Berglind og Gústi í Álaborg

2005-05-03T16:48:00.000+02:00

HÆHÆ!!!!

Erum að prófa nýja síðu... slóðin er...

www.blog.central.is/berglindoggusti

Góða skemmtun ;)

2005-04-22T14:47:00.000+02:00

Hæhæ…

Ákveður hefur verið að hér komi ekki enn ein afsökunin eða loforð um bætingu á skriftum hér líkt og sennilega síðustu pislar hafa byrjað á...

Burt séð frá því og svona rétt áður en við segjum ykkur hvað er að frétta langar okkur til að deila smá með ykkur... og ef þið hafið verið í efa um gæði gamla klakanns þar sem þið heyrið eflaust oft að allt sé svo gott í Danmörku þá er það sko aldeilis ekki uppi á teningnum núna... miða við það sem vatnsdrykkjuunnendur á þessu heimili komust að við áhorf á morgunfréttatímann í gær... málið er að Danmörk er með einhverja ákveðna bakteríu í vatninu hjá sér og er það hvergi meira af þessum kvikindum í Evrópu en í Danmörku. Það greinarst árlega 100 tilfelli af veiki útaf þessum bakteríum en það var líka sagt að það gætu verið miklu fleiri tilfelli þar sem einkennunum væri oft ruglað saman við kvef og inflúensu... Þannig að jamm... ekki allt gott í baunaveldinu eins og sumir orða það...

Brott séð frá þessum heimildum... þá er allt ágætt að frétta af okkur héðan... Gústi er alltaf í skólanum og þess á milli er hann á einhverjum ráðstefnum og slíkt útaf verkefninu þeirra Flemmings... Annars er spenningurinn fyrir þyngdarleysisfluginu mikill þar sem Gústi og Flemming eru að fara til Frakklands um miðjan júlí til að taka þátt og gera tilraunir í flughermi hjá ESA (Geimferðarstofnun Evrópu) í sambandi við verkefnið sitt, þrátt fyrir að þeir félagar verði búnir að útskrifast og þessi tilraun komi einkunninni þeirra ekki við þá er ekki leiðinlegt að hafa þetta á atvinnuumsókninni ;)
Hjá Berglindi er skólinn líka fyrirferða mikill og svo þess á milli er hún að vinna annað slagið upp á hóteli enda ekki slæmt að fá smá auka pening þar sem sumarvinnan núna verður ekki eins öflug hjá okkur hjúum, þó reiknar Berglind með að fá vinnu á hótelinu í sumar en það er frekar spurning um hvort nýji yfirmaðurinn hennar geti samþykkt öll þau frí sem henni langar að hafa í sumar... það kemur í ljós... Það er nefnilega verið að bóka smá á þann lista sem á að gera í sumar... fyrst fáum við gesti í lok júní sem mamma Gústa, pabbi og co. koma til að vera viðstödd útskriftina hjá honum og síðan ætlum við að ferðast eitthvað með þeim lítilega um Evrópu... síðan mun Gústi fara til Frakklands í tvær vikur, síðan er útihátíð hérna í Danmörku sem er á teikniborðinu (ekki Hróarskelda) og svo erum við búin að ræða um það að kíkja kannski heim á klakann í viku eða svo... þannig að það er já... verið að plana hlutina...

Annars erum við búin að vera smá duglegri að fara út að undan förnu heldur en á síðustu önn... erum búin að fara 2 sinnum út að borða með stuttu milli bili, fara í bíó og ja... héldum frábært páskamatarboð á páskadag þar sem við vorum með grillaðar nautalundir og –fille, alveg hrikalega gott að allra mati sem nutu þess með okkur, þ.e.a.s. Ríkey og Haukur, Mæja og Eyfi, Skarphéðinn og Kristján.En einnig fórum við til Mæju og Eyfa fyrir páska og grilluðum alskonar girnlegan mat með vinahópnum og um síðustu helgi var okkur svo boðið í tvöfalt 25 ára afmæli hjá Gyðu og Eyrúnu pæjum sem var rosa gaman, þar sem við hjú ásamt Flemming kíktum á pizzustaðinn hérna á háskólasvæðinu og fengum okkur smá óhollan mat fyrir gleðina sem stóð alveg til 7 um morguninnn ;)

En jamm... nú þurfa skólabækurnar að fá athyglina aftur.... og þar af leiðandi verður þetta ekki lengra hjá okkur í bili...

Heill hellingur af knúsum og kossum héðan úr baunaveldinu ;)
Berglind og Gústi.

P.s. Elsku Birgitta, sko... Berglind er búin að reyna að vera að skoða þetta myndardæmi en hún er bara algjör klaufi við þetta... lofum að betrum bæta það... alla vegna í síðasta lagi í sumar ;)

2005-02-21T12:59:00.000+01:00

Hæhæ allir…

Já... við erum alveg sammála ykkur að svona letimennska gengur ekki lengur og því koma hér nokkrar línur um afdrif okkar í danaveldinu frá því að við létum heyra í okkur síðast...

En áður enn lengra er haldið þá... langar Berglindi að benda á 3 nýjar myndir í myndaalbúminu (undir fjölskyldumyndir) af litla frænda hennar sem ákvað að drífa sig svo mikið í heiminn... hann ákvað nefnilega að koma tæpum 2 mánuðum fyrr í heiminn en reiknað var með honum og viljum við óska Bjarndísi (systir Berglindar), Árna (mági Berglindar) og strákunum þeirra innilega til hamingju með litla engilinn sem fæddist þann 6. febrúar sl. Hann er æði og Bjarndís þú stóðst þig eins og hetja! ;) En málið var smá flókið og í stuttu máli sagt var ákveðið að litli prinsinn skyldi fæðast með keisaraskurði. Hann heldur til upp á Landspítala þar til að hann fær að flytja heim til fjölskyldu sinnar í endan á mars.

Humm... já af okkur hér í baunaveldinu þá í stuttu máli sagt fór janúar mánuður í próflestur og svoleiðis sem gekk svotil allt í lagi. Reyndar stóð Gústi sig alveg rosalega vel þar sem hann og strákarnir fengu eitt stykki 10 fyrir verkefnið sitt.

Þar sem Gústi var bara í einu prófi fékk hann smá frí í endan á janúar, þar sem ný önn byrjaði ekki fyrr en í byrjun febrúar, og ákvað hann að skella sér einn laugardag til Odensvé til að hitta félaga sinn, hann Ingþór. Sem var hin mesta skemmtun, þeir félagar fóru á pöbbarölt þar í bæ og hittu þeir félagar ákveðinn dana, fyrir tilviljun, sem þeir spjölluðu við um stundarsakir (nánar tiltekið undir tveimur ölkrúsum) og allt hið skemmtilegasta. En þegar Gústi hugsaði sér gott til glóðarinnar til að sanna það fyrir öðrum vinum og vandamönnum að hann hefði hitt þennan ágæta náunga þá kom upp fit á hann og hann neitaði að gefa Gústa eiginhandarárritun og svo upp úr því ákvað kauðinn að ljúka spjalli við þessa íslendinga. Þannig að því ver og miður á Gústi greyið það ekki skriflega staðfest að hann og Ingþór hafi haft skemmtilegt tal við Kim Larsen sjálfan á öldurhúsi í Odensvé.

Hvað varðar Berglindi þá fékk hún ekki neitt frí á milli anna frekar enn í fyrra þar sem starx eftir síðasta próf settist hún niður til að reikna stærðfræðiverkefni sem hún átti að skila í byrjun næstu annar, sem Gústi reyndar settist niður með henni og hjálpaði þar sem þetta var ekki það léttasta til að leysa...

Í byrjun febrúar byrjaði ný önn hjá okkur skötuhjúunum.
Hjá Gústa er staðan nú svoleiðis að hann og Flemming sitja nú öllum stundum niður í skóla og eru að skrifalokaverkefnið sitt og fátt eitt annað sem kemst að enda vilja þeir reyna að gera sitt allra besta á 10. annar verkefninu sínu, og væntanlega til að reyna að standa undir velgengninni frá síðustu önn þar sem þeir halda áfram að skrifa um þennan litla kassa sem á að senda upp í geiminn í haust.
Hjá Berglindi er annað upp á teningnum heldur enn hjá Gústa, þar sem hann er ekki í neinum fyrirlestrum á lokasprettinum, þá situr hún svotil öllum stundum í fyrirlestrum og heimalesturinn ekki af minni gerðinni fyrir hvern dag. Þannig að skólamálin okkar eru annsi tímafrek og já... hér kemur afsökunin um letina við að skrifa hérna á síðuna inn... að lítill tími gefst fyrir mikið annað...

Reyndar fór Berglind rétt fyrir þar síðustu helgi til Kaupmannahafnar, og fékk að fylgja með skólanum hennar Önnu vinkonu sinnar, til að fara á tískusýningarnar í Bella Center og Øksnehallen til að skoða tískunna fyrir næst komandi haust, sem var mjög fróðlegt og gaman. Berglind hitti eina skólasystur sína frá Sønderborg sem er orðin hönnuður hjá einu fatafyrirtæki í Grenaa og fékk nokkrar fréttir af afdrifum annarra stelpna sem voru með þeim í skólanum. En einnig lentu þær stöllur Berglind og Anna í ýmsu á þessum sýningum eins og t.d. þegar ein fyrirsætan sem var í rosalega flottum selskinsjakka tók undir hrós þeirra með því að svara þeim á íslensku. Einnig sáu þær eitthvað að íslenskum búðarkaupmönnum vera að versla inn fyrir fyrirtækin sín og svona... Berglind ætlar að setja nokkrar myndir af þessum sýningum en það verður ekki fyrr en í byrjun mars vegna anna.

Annars af félagslífinu okkar er það að frétta að við erum ekki alveg dottin út úr því þar sem við erum búin að vera smá öflugri en á síðustu önn. Þar sem við buðum Skarphéðni og Kristjáni í mat til okkar í endan á janúar. Síðan í byjun febrúar var okkur boðið í mat til Höllu og Didda þar sem vinagengið (Halla og Diddi, Haukur og Ríkey, Mæja og Eyfi mínus Anna (sem var að þvælast í Svíþjóð)) var komið saman og borðað, drukkið smá og spilað sem var alveg rosalega gaman.
Síðan hjálpuðum við Dýrleif og Hauk eitt kvöldið að mála nýju íbúðina þeirra sem færði okkur í voða fína kökuveislu. Og nú síðast þá hittumst við hinn vinahópurinn okkar (Dýrleif og Haukur, Hildur og Siggi, Ævar og Gyða, Kristján og Eyrún) heima hjá Dýrleif og Hauk í nýju íbúðinni og héldum svo tilgert þorrablót, þ.e.a.s. það var hangikjöt, harðfiskur, rófustappa, pokkfiskur, hákarl, flatbrauð o.s.fv. á borðum. Sem var alveg rosalega gaman.

En jæja þetta er allt sem er að frétta í bili enda löngu komin tími til að snúa sér aftur að bókunum þar sem Berglind er að fara próf þann 2. mars og Gústi situr hinn fastasti niður í skóla að reikna og skrifa verkefnið sitt. Þrátt fyrir að í þessari viku er svokallað vetrarfrí í Danmörku er það bara áfram lærdómur á þessu heimil ;)

Knúsar og kossar frá okkur hér í Áló,
Berglind og Gústi.

P.s. mundið að skrifa í gestabókina... þar sem Berglind er ekki enn búin að finna út úr því að setja inn comments og líka að kíkja á litla frænda hennar í myndaalbúminu.

2005-01-02T17:17:00.000+01:00

Hæhæ allir og GLEÐILEGT NÝTT ÁR!!! Og takk fyrir það gamala :)

Af okkur hérna í danaveldinu er allt gott að frétta og ef við tökum upp þráðin þar sem við skildum hann eftir síðast hérna á síðunni okkar þá vorum við á fullu til 20. desember að skrifa verkefnin okkar sem við síðan skiluðum þann dag frekar uppgefin eftir lokasprettinn, og var reyndar Gústi greyið MJÖG þreyttur þar sem hann var í skólanum alveg síðasta sólahringinn og kom ekki heim fyrr en um 9 leytið þann morgun (hann fór klukkan 8 morgunin áður í skólann). En þetta tókst allt saman mjög vel.
Síðan seint um kvöldið kom síðan Lára, Birgitta, Ragna og Elvar Birgir (mamma Berglindar, systur og litli frændi) frá Íslandi hlaðin pökkum og góðgæti, okkur að sjálfsögðu til mikillar gleði og þökkum við KÆRLEGA FYRIR OKKUR!!! Og einnig þökkum við KÆRLEGA fyrir pakkanna sem við fengum senda með póstinum úttroðunum af sælgæti, smákökum ofl. Einnig þökkum við kærlega fyrir allar gjafirnar og jólakortin/kveðjurnar sem við fengum.

En jæja þetta voru sem sagt mjög ljúf og góð jól og miklu skemmtilegri heldur en í fyrra þar sem við vorum aðeins fleiri og Berglind fékk alveg frí frá vinnunni á meðan, fyrir utan einn galla sem var að gestirnir okkar byrjuðu að fá flensu rétt fyrir brottför frá Íslandi og voru þau að miklum hluta að berjast við þessa blessuðu pesst á meðan á reisunni þeirra stóð. En við gerðum eftir megni það besta úr þessu þótt svo að sumt sem okkur langaði að gera með þeim verður að bíða betri tíma eins og kíkja í dýragarðin og svoleiðis.
En allt það góða þarf að taka enda og þegar að heimferð gestanna okkar dróg að þá fóru þau með lestinni til Kaupmannahafnar nóttina áður, fyrir flugið (þann 30 des), og voru þau greyin að ferðast alla nóttina þar sem kvöldflugið sem þau áttu pantað með var felt niður og fengu þau hádegisflug í staðin sem fór fyrr en vant er á venjulegum dögum svo að það passaði ekki við fyrstu lest frá Álaborg okkur ekki til mikillar gleði. En sem betur fer komust þau heim svo til heil og haldin.

Áramótin heldum við saman með 2 vinapörum okkar (2 af 3 pörunum sem við fórum með til Hamborgar í haust) út í fælleshúsinu okkar og það var bara mjög huggulegt og fínt. Maturinn var mjög góður, við vorum með osta og brauð í forrétt, grillaðar nautasteikur, bakaðar kartöflur og salat í aðalrétt og svo heimagerðan ís að hætti Berglindar í eftirrétt.
Síðar fórum við út að sprengja í fallega, stilta veðrinu sem var með smá frosti sem var frábært veður til að sprengja stórar sprengjur en hvað varðar þessar minni sem maður setur á jörðina þá sáum við ekki svo mikið... þar sem veðrið var svo stilt að reykurin fór bara ekkert... var bara á sama stað... en þetta var samt alveg mjög gaman. Reyndar lentu Berglind og Eyrún í því að fá flugeldaprik í höfuðið en það var ekkert alvarlegt, meira bara til að hlægja af óheppilegum stað til að horfa á flugeldana. Eftir þetta fórum við aftur inn og horfðum á spólu með Spaugstofunni sem var alveg frábært. Síðan kom Flemming (vinur Gústa) og nokkrir félagar í smá partý sem var voða gaman.

Á nýjársdag höfðum við það skötuhjúin það bara rosalega huggulegt upp í sófa, eftir að hafa hlaupið út í fælleshúsið og klárað að þrífa eftir partýið kvöldinu áður, og horfðum á nokkrar myndir í tölvunni okkar.
Jæja elsku dúllurnar okkar ætli við látum þetta ekki bara vera gott að sinni, við biðjum rosalega vel að heilsa og enn og aftur gleðilegt nýtt ár og takk fyrir allt saman.

Heill hellingur af knúsum og kossum frá okkur í Áló,
Berglind og Gústi.

P.s. munið að skrifa í gestabókina ;)

2004-12-12T11:44:00.000+01:00

Hæhæ allir…

Jæja nú erum við loksins búin að koma síðunni í aðeins betra stand með því að uppfæra gestabókina, teljaran og myndaalbúmið. En því miður hefur okkur ekki ennþá gefist tími fyrir að setja nýja myndir inn svo þið verðið bara að bíða...

aldrei að vita nema við setjum eitthvað inn um jólin.

Varðandi gestabókina þá þurftum við því miður að eyða flestum skilaboðunum út vegna villu um íslenska stafi, við reyndum eftir megni að skilja skilaboðin og laga þau en þau voru ansi fá miða við hvað það voru mörg og frábær skilaboð í henni (bara alveg útilokað að reyna að laga þau).

Jæja þar sem við erum búin að eyða smá tíma í uppfærsluna þá ætlum við að bíða með að skrifa einhverjar fréttir hérna í bili.

Jólaknúsar og kossar frá okkur í danaveldinu,
Berglind og Gústi.

P.s. Verið nú dugleg að skrifa í gestabókinna :)

2004-12-04T14:57:00.000+01:00

Hæhæ allir!!!

Jæja þetta gengur víst ekki lengur að vera svona ódugleg að skrifa...

Af okkur hérna í danaveldinu, nánar tiltekið jólaborg Danmerkur í ár, er allt fínt að frétta. Alltaf nóg að gerast í skólanum hjá okkur og svo er Berglind líka að vinna á hótelinu líkt og síðasta vetur. Reyndar þar fyrir utan hefur ekki verið mikið um félagslíf hjá okkur, eins oft hefur verið, þar sem erfiði skólavikunnar hefur oft komið okkur í þann gír að hafa það bara huggulegt fyrir framan sjónvarpið og slökkva svo til á heilanum, sennilega bara til að brenna ekki yfir ;)hihih...
En jú annars í ,,vetrarfríinu” ,sem var reyndar ekkert hjá Gústa og lestar- og vinnuvika hjá Berglindi, þá kíktum við í helgarferð til Hamborgar ásamt 3 öðrum vinapörum okkar og var það bara alveg rosalega gaman nema hvað sjónvarpsturninn var lokaður vegna viðgerða en við fórum þá bara upp í einn kirkjuturn í staðinn sem er helmingi hærri en Hallgrímskirkjuturn og það var svakalega gaman en erfitt. Reyndar þá fórum við skötuhjúin ekki alveg upp, en mjög langt, þar sem þetta var svolítil þrautarganga enda engin lyfta eða neitt slíkt og orðin sem við fengum frá starfsmönnum kirkjunnar var að við færum upp á eigin ábyrgð og svo var talið hvað fóru margir upp og hvað komu margir niður og var það reyndar dálítið ótraustvekjandi

Við höfum reyndar ekki farið eða haldið sjálf mikið af matarboðum eins og okkur er vant en þó er sá siður ekki alveg útdauður en eins og við sögðum ykkur frá hér rétt fyrir ofan hefur skólinn verið svolítið fyrirferða mikill að það hefur orðið að bitna á einhverju... en hvað um það þá er reyndar alveg merkilegt hvað við höfum verið heppin þar sem okkur hefur verið þrisvar sinnum boðið í hangikjöt, hjá Skarphéðni, Ríkey og Hauk og nú síðast hjá Hildi og Sigga. Reyndar vegna veikinda urðum við að afboða eitt boðið en það er búið að vera svolítið um veikindi á þessum bæ síðan í haust þar sem Berglind er búin að vera með mikil mígrennisköst og slíkt en það er allt að betrum bætast núna. En burt séð frá því þá fara jólin að koma bráðum og þið sem ekki enn hafið frétt það þá höfum við ákveðið að koma ekki heim enn ein önnur jólin og er það aðalega vegna prófanna þar sem dönum finnst það svo sniðugt að hafa prófin í byrjun janúar en ekki í desember eins og heima á klakanum. En við verðum samt ekki eins einmanna eins og síðustu jól þar sem mamma hennar Berglindar og systur ásamt litla frænda koma og verða hjá okkur yfir jólin og fram að áramótum og við hlökkum alveg rosalega mikið til að fá þau ;)

Jæja ætlum við látum þetta ekki duga í bili og sennilega best að snúa sér aftur að bókunum...
hafið það sem allra best og verið róleg í jólastressinu ;)

P.s. Elsku Bjarndís og fjölsk. Og Björn Þór og fjölsk. (systkyni Berglindar).
Innilega til hamingju með nýju fjölskyldumeðlimina sem koma inn í stórfjölskylduna okkar í mars og maí. ;)

Með knúsum og kossum frá okkur í Áló,
Berglind og Gústi.

2004-10-17T21:24:00.000+02:00

Hæhæ allir... fyrirgefið hvað við höfum verið ódugleg að skrifa hérna... en lofum að fara að bæta úr því MJÖG fljótlega.

Knúsar og kossar frá okkur í Áló,
Berglind og Gústi.

2004-05-09T16:33:00.000+02:00

Hæhæ allir saman!!!

Jæja lífið hér í Álaborg er reyndar ekki neitt mjög fréttnæmt þessa stundina og því eflaust ekki langur pistill sem kemur hér, við skulum reyna að skrifa eitthvað.

Málið er að það er farið að þyngjast dálítið í skólanum og við bæði að skrifa mikið í verkefnunum okkar og er sem sagt þessa daganna algjört skólalíf sem gengur fyrir allt annað og er það orðinn vanni hjá okkur að kvöldmaturinn, sem er nánast eina samverustundin okkar saman, er ekki fyrr en í fyrsta lagi svona rétt fyrir klukkan tíu og jafnvel seinna á kvöldin. Gústi greyið er nefnilega alltaf að verða lengur og lengur í skólanum á meðan Berglind er meira heima við sínar skriftir þar sem hópurinn hennar vill frekar skrifa sitt í hvorulagi.

En svona annað að frétta af okkur þá buggum við til tíma og kíktum í bíó og út að borða á Pizza Hut fyrir tveimur vikum síðan (þar-þar síðasta föstudag) með vinapari okkar sem við höfum ekki hitt í tvo mánuði en þau eru búin að vera dugleg að bjóða okkur að gera eitthvað með þeim en vegna anna höfum við ekki geta búið til mikinn tíma, en loksins var það hægt. Við kíktum sem sagt á hlaðborð á veitingarstaðnum og það var ekki nema 700 ísl. kr. á manninn, allt sem maður gat borða. Síðan fórum við á myndina The passion of Christ sem er mjög umdeild en okkar álit á henni var ekki eins sterk og maður var búin að heyra, það getur enginn sagt að þetta hafi eða hafi ekki verið svona, og við mælum frekar með að kíkja bara á þessa mynd á videospólu. En samt það var voða gaman hjá okkur.

Á sunnudeginum fyrir tveimur vikum síðan kíkti Anna (kærastans hans Hjölla) í mat til okkar og upphaflega ætluðum við að grilla en vegna rigningar þá var maturinn bara eldaður á pönnu, en samt voða gott. Það var samt hálf svona undarlegt að Hjölli hefði ekki komið með en eins og þið vissuð (þ.e.a.s. ef þið hafið lesið pisllanna fyrir neðan þá er gæinn farinn heim að vinna og Anna svo dugleg að vera hér ein úti í námi á meðan) en þetta var í fyrsta skipti sem hún kom í mat eftir að Hjölli fór heim en var það orðið venja hjá okkur að þau komu alla vegna svona einu sinni í mánuði til okkar og við til þeirra í mat. En þetta var voða huggulegt og gaman og gott enda Anna fyrir okkur partur af fjölskyldunni.

Síðan á þar síðasta föstudagkvöld þá ákvað hópurinn hennar Berglindar að hittast og gilla saman en þar sem danir eru ótrúlega skipulagðir endað það með að aðeins helmingurinn af hópnum hittist og grilluðu þær hérna heima hjá okkur, sem sagt þrjár og þar meðtalin Berglind. Það var voða gaman og Gústi kom síðar heim um kvöldið og fékk frekar volg/kaldan grillmat sem hann var bara hinn ánægðasti með. Síðan fóru stelpurnar í eitthvað háskólapartí sem Berglind staldraði ekkert mjög lengi í, enda eitthvað farið að líða fram yfir miðnætti.

Síðan svona annars er ekkert mikið fréttnæmt af okkur því við höfum bara verið að læra... jú annars þá lentum við í mauragangi í svefnherberginu og fyrst voru þeir bara við það að kíkja upp í rúm til okkar þar sem þeir voru iðandi á náttborðinu hjá okkur vegna þess að það var eitthvað snakk og ísbréf sem lá þar í eina eða tvær klukkustundir. Síðan þegar við losnuðum við þá eftir að hafa tekið af rúminu og gert tilheyrandi ráðstafanir byrjuðu þeir að koma daginn eftir annarsstaðar inn í herbergið og vart mikið að gera en að eitra bara fyrir þeim sem hefur gengið hið besta enda eru þeir allri farnir núna og vonumst við til að þurfa ekki að lenda meira í mauravandamálum hérna.

Jú annað sem við erum mikið búin að vera að ræða og búin að ákveða er að við ætlum að láta setja upp öryggiskerfi á litlu sætu íbúðina okkar. Við vorum nefnilega eitthvað að spá í þessu þar sem við erum með 3 tölvur í það heila (þegar Gústi kemur með nýju tölvuna heim úr skólanum aftur) og sjónvarp og tilheyrandi tæki í íbúðinni og þar sem við verðum ekki heima í tvo mánuði í sumar fannst okkur þetta sniðug lausn. En eftir að við fórum að hugsa um þetta og fórum að spjalla við nágrannanna okkar hérna við hliðina á okkur, þar sem við sáum að þau voru með svona kerfi, kom það í ljós að það var brotist inn hjá þeim, ekki löngu fyrir síðustu jól, og eftir að við fórum að nefna þetta við vinaparið okkar, Lilju og Sigga, komumst við að því að það var líka brotist inn hjá íslendingum, sem við þekkjum, sem bjuggu hérna á stúdentagarðinu og því hljómar þetta ekki svo vitlaus hugmynd þótt svo að það sé búið að skipta um alla glugga og læsingar á garðinum til að auka öryggið rétt eftir innbrotið hjá grænlensku nágrönnunum okkar. En núna erum við bara að fara að póstleggja umsóknareyðublaðið sem við fengum frá öryggisfyrirtækinu í póst og svo bíðum við eftir að þeir komi og setji kerfið upp en þið sem eruð að lesa þennan pistill megið ekki halda að við búum í algjörlega hættulegu hverfi eða svæði þetta er bara svona gangurinn sem er bæði að gerast hérna í Álaborg og Reykjavík. En eitthvað hljóta þessir þjófar að fylgjast með því í báðum tilfellum var enginn heima.

Jæja ætli við látum þetta ekki nægja í bili og vonum við að við höfum ekki hrædd ykkur með að segja ykkur frá sannleikanum.
Með helling af knúsum og kossum frá okkur hér í Áló,
Berglind og Gústi.

P.s. Elsku Guðmundur (litli bróðir Gústa) innilega til hamingju með fermingardaginn þinn í dag og velkominn í fullorðinsmannatölu og Elsku Kristín amma (móðuramma Gústa) innilega til hamingju með stór afmælið þitt í dag.

P.s.s. það er komið eitthvað meira af myndum í myndaalbúmið okkar.

2004-04-23T16:56:00.000+02:00

Hæhæ allir saman og gleðilegt sumar!!!

Jæja maður getur nú sagt að sumarblíðan sé nokkuð á næsta leyti hérna þar sem vorið byrjaði fyrir svo litlu síðan, hitinn hefur nefnilega farið alveg upp í 15-17 stig þegar best hefur verið.

En jæja ef við tökum upp þráðinn frá því sem hann var skilinn eftir síðast þá vorum við að tala um föstudaginn langa... sem sagt þá um kvöldið ræddum við hjúin hvort við ættum að kíkja á umdeilda heimilissýningu hér í borg sem var yfir páskanna en ákváðum frekar að fara í annarskonar meningarferð. Við ákváðum að kíkja í nýja kvikmyndarhúsið sem á að vera það allra flottasta á Norður Jótlandi. Við héldum af stað með Kristjáni vini okkar og vorum frekar spennt að sjá þetta viðundur. En jú jú þetta var svo sem allt í góðu nema hvað við klóruðum okkur aðeins í hausinum yfir þessu sælgætisbúðarskipulagi hjá frændum okkar. Málið er nefnilega að maður verður að afgreiða sig sjálfur eins og í hverri annarri verslun og svo voru tvær stúlkur við endann sem maður borgaði hjá. En það er frekar óskýrt hvar maður á að labba inn og því var þetta hálf gert klúður og komumst við að þeirri niðurstöðu að sælgætissöluskipulagið heima væri mun betra. En hvað um það þá já... til að byrja með fórum við á bílnum hans Kristjáns en þar sem hann geymdi hann í bílastæðahúsinu, sem er í sömu byggingu og bíóið, þá var ekkert um annað að velja en að borga fyrir stæðið. Þrátt fyrir að það væri föstudagskvöld, og þá á föstudeginum langa, þá var stöðumælavörður að þvælast þarna um hálf níu leytið og því eins gott að borga þar sem sektin hérna er í kringum 6.000,- ísl. kr. Við reiknuðum því með hvað mikið við þyrftum að borga miða við lengd myndarinnar og slíkt, sem gaf okkur nokkrar auka mínútur til að komast aftur að bílnum. En jæja sem sagt... þetta voða nýja flotta danska bíó var bara eins og venjulegt kvikmyndarhús að heiman (alla vegna þau sem eru í Rvk og á Ak). Síðan komum við okkur fyrir í salnum sem var ekki opnaður nema eitthvað um 5 mín. fyrir sýningartíma og allt í góðu með það, en... síðan biðum við í rúmlega tíu mín. eftir að myndin átti að vera byrjuð eftir því að fá það sem næst kom á skjáinn sem voru auglýsingar í 10-15 mín. og eftir það loksins myndin, sem var bara fín mynd til að kíkja á í bíó (Gothika). Við drifum okkur svo að útgönguleiðinni að sýningu lokinni til að komast að bílnum en þar sem þetta er nýtt hús og byggingar dana ekki mjög skýrar vissum við ekkert hvert við áttum að fara (þegar við komum inn í einhvern stigagang þar sem við vorum búin að labba upp og niður stiga frá bílastæðinu að bíóinu) og voru það fleiri en við sem vorum að hneykslast á þessu fyrirkomulagi. En allt í góðu við loks komumst að bílnum sem var kominn vel fram fyrir leyfilegan tíma miða við hvað við höfðum borgað fyrir (ca. 20 mín.) en sem betur fer hafði enginn stöðumælavörður verið að þvælast í kringum hann á þeim tíma, sem betur fer!!! og því sektarlaus. En niðurstaðan okkar af þessari ferð er sennilega sú að við reiknum ekki með að bíóferðunum okkar hér eigi eftir að fjölga mikið við tilkomu þessa nýja kvikmyndarhús.

Á laugardeginum milli páska og á páskadag var vaknað snemma og farið að læra þótt svo að það hafi verið smá öðruvísi á páskadagsmorgun þar sem morgunmaturinn var blandaður með súkkulaði, sem Berglindi fannst hið allra besta mál, en það versta var að hún var víst eitthvað slöpp þann daginn og kom það niður á bragðinu á súkkulaðinu þar sem Nóa páskaeggjarbragðið var ekki eins og það hefur alltaf verið í minningunni hjá henni, en hvað um það hún fékk loksins uppáhalds morgunmatinn sinn. Síðan var lært fram eftir degi en um kvöldið kom Flemming vinur Gústa (fyrir þá sem ráma í þetta nafn en eru ekki vissir er þetta strákurinn sem kom heim til Ísl. í sumar) í páskamat til okkar og var alveg dýrindis matur, við nefnilega grilluðum svínasteikur, lauk, tómata, paprikur og bökuðum kartöflur með græn piparsósu og síðan var gamli góði Royal (karmellu) búðingurinn með þeyttum rjóma í eftir rétt. Sem sagt voða huggulegur páskadagskvöld hjá okkur.

Annar í páskum var síðan eins og hver annar lærdómsdagur og var haldið áfram að læra, fyrir utan það að Berglind fór einnig í vinnuna á laugardeginum. En annars þá var Gústi að reikna út og skrifa fyrir verkefnið sitt á meðan Berglind var að lesa undir prófið sitt.

Síðan leið skólavikan frá þriðjudegi til föstudags bara líkt og aðra daga nema hvað við bæði hittum hópanna okkar til að læra saman með í skólanum og skilaði Berglind og hópurinn hennar skýrslunni sinni sem var prófeintakið. Reyndar jú kom út úr Félags-, aðferðar- og lögfræðis prófinu hennar Berglindar á þriðjudeginum og gekk það bara hið besta, sem sagt náð ;)
Síðan seinni part föstudagsins þá breyttum við aðeins mynstrinu hjá okkur. Berglind fór með vinkonum sínum á línuskauta, sem hún reyndar var búin að gera alla vikuna líka, og svo kíktu í heimsókn og fóru síðan heim að baka pizzu. En Gústi fór með hópnum sínum á föstudagsbarinn í skólanum, síðan drifu þeir sig á litla pizzustaðinn sem er á háskólasvæðinu (og í sömu götu og við buggum í og Flemming býr enn í) til að snæða kvöldmat. Síðan var haldið í teiti heima hjá Flemming, enda ekki langt að fara, þar sem nokkrir gamlir félagar úr hópnum þeirra fyrir áramót bættust við. Þar var voða glatt á hjalla. Síðan þegar fram leið á kvöldið sofnaði Flemming þegar byrjað var að týnast úr partýinu svo að Gústi fór með Ævari (hópverkefinsfélaga) og Gyðu (kærustu Ævars) til Hauks (besta vin Ævars) til að halda gleðinni aðeins áfram og var það voða gaman enda kom Gústi ekki heim fyrir undir morgun.

Á laugardeginum tók Berglind auka vakt í vinnunni og fór því snemma á fætur en Gústi fékk að sofa út, enda frekar þreyttur. Síðan varð dagurinn frekar svona afslöppunar dagur fyrir utan það að Berglind kíkti aðeins í matarbúð.

Á sunnudeginum og allt fram á miðvikudaginn var bara venjulegir lærdómsdagar og allt í fullum gír. En á miðvikudeginum fór Berglind ásamt hópnum sínum í munlega vörn fyrir skýrsluna sem hópurinn skilaði vikunni fyrr og gekk það bara svona allt í lagi. Hópurinn sem sagt náði og allt hið besta máli. Reyndar þökkuðu stelpurnar Berglindi fyrir að hafa bablað svona mikið í prófinu því þær voru vissar um að hópurinn hefði ekki náð nema fyrir Berglindi sem var nánast sú eina sem gat svarða og staðið í því að rökræða við kennarann og prófdómarann í þessu hrottalega leiðinlega fagi, þekkingarfræði með áherslu á heimspeki. Síðar um kvöldið fór Berglind og hitti vinkonur sinnar og var það voða gaman. En hjá Gústa greyinu var enginn breyting út af vananum nema hvað að Berglind var ekki heima til að borða kvöldmat með honum og var hann lagstur í bælið þegar hún kom heim.

Sumardagurinn fyrsti! Sem sagt gærdagurinn var ekki sólríkur hér eins og við fengum að heyra að hann væri heima á klakanum, reyndar bara frekar kaldur hérna í danaveldinu. En hvað með það þá kannski bara sanngjarnt það sem heima var almennur frídagur og því skylda fyrir góðu veðri á meðan hér var ekkert sumarlegt enda bara eins og hver annar fimmtudagur og skóli á fullu. Berglind var samt svona hálf skrýtin allan daginn þótt hún talaði kannski ekki mikið um það en henni langaði alveg rosalega mikið til að vera heima á Akureyri í gær þar sem allra yngsta systir hennar hún Guðný Vala (yngri systirinn föðurmegin) var að fermast og fannst Berglindi svona hálf skrýtið að vera ekki til staðar þar sem hún hefur alltaf verið mikið fyrir svona stóra fjölskylduviðburði. Reyndar verður það sama upp á teningnum aftur eftir nokkra daga því reyndin er sú að Gústi lendir í því sama og Berglind að missa af fermingu systkynis síns þegar litli bróðir hans, hann Guðmundur, verður fermdur núna í byrjun maí mánaðar. En jæja svona er lífið... og þá námsmannalífið í útlöndum... ekki hægt að skjótast bara heim hvenær sem er... En alla vegna þá hringdum við um kvöldið í Guðný Völu og óskuðum henni til hamingju með daginn og var hún voða sæl, nema smá... málið var að við gáfum henni hring og eyrnalokka sem hún var alveg í skýjunum yfir nema hvað að hringurinn er aðeins og lítill svo nú er verið að vinna í því að skoða möguleikann á að fá hringnum skipt sem ætti ekki að vera mikið mál. Berglind einhverra hluta vegna vildi vera viss um slíkt væri mögulegt og lét því kaupa gjöfina hennar heima á Ísl. fyrir okkur og því ætti þetta mál alveg að bjargast. En við fengum líka þær fréttir að pabbi hennar Berglindar var loksins svo heppinn að losna við húsið þeirra á Siglufirði sem er búið að vera til sölu síðan í júlí eða svo. En hreyfinginn á fasteignarmarkaðinum á Siglufirði er ekki mikil enda frekar meira um að fólk sé að flytja þaðan í burtu en ekki til staðarins og því var þetta alveg frábært að hafa selt húsið.

Jæja nú á þessum föstudegi var vaknað snemma og Gústi fór í skólann líkt og venjulega en Berglind situr heima og er að lesa ýmis gögn fyrir hópskýrsluna sína, fyrir utan að pikka þessi orð hér inn í pristilinn. En þar sem það er að koma hádegi er best að drífa sig í að fá sér næringu og halda svo áfram með lærdóminn.

Okkar allra bestu kveðjur til ykkar allra með knúsum og kossum frá okkur hér í Áló.
Berglind og Gústi.

P.s. Munið eftir Gestabókinni!!!
P.s.s. þið sem eruð að velta því fyrir ykkur hvenær við komum heim þá erum við búin að panta flugið fyrir Gústa, hann kemur 16. júní og verður til 29. ágúst. En þar sem það er ekki komið á hreint prófið hennar Berglindar þá er ekki búið að panta fyrir hana. Hún fer nefnilega í próf 21., 22. eða 25. júní og kemur heim strax að því loknu en fer líka heim aftur á milli 20.-25. ágúst (ekki enn 100% ákveðið) þar sem hún fer fyrr í skólann.

2004-04-09T13:01:00.001+02:00

Hæhæ allir saman og gleðilega páska!!!

Jæja til að byrja með verður Berglind að játa það að hún greinilega á mjög erfitt með að reyna að halda sig við regluna að skrifa hér einu sinni í viku til að halda ,,sunnudagsreglunni” okkar og biðst hún velvirðingar á því og lofar að hafa ekki fleiri fullyrðingar með þann dugnað þótt það sé ósk okkar beggja að við getum haldið okkur við að skrifa eitthvað hérna í hverri viku en málið er bara að dagarnir eru svo fljótir að líða því það er alltaf svo mikið að gera.

En jæja... ef við byrjum á mánudeginum þar síðasta þá var það frekar venjulegur dagur hjá Berglindi, farið snemma á fætur og farið í skólann, nú hjólandi og er hún orðin voða dugleg og hjólar rúma 6 km í skólann og heim að lokum skóladegi aðra 6 km þar sem mánaðarkortið hennar í stærtó er útrunnið og er ekki áætlunin hjá henni að kaupa nýtt, frekar að halda sig við hollustuna í hlýnandi veðráttu hér í danaveldinu. En hvað varðar Gústa greyið þá var hann eitthvað slappur líkt og hann byrjaði að finna fyrir á laugardeginum, og reyndar var hann hálf svona eitthvað undarlegur á sunnudeginum líka, þá var hann heima og hvíldi sig til hádegis eða svo. Hann byrjaði síðan að læra hérna heima, ekki alveg nógu hress, í hádeginu og fram eftir, meira að segja kom Kristján í heimsókn til að þeir félagar gætu nú eitthvað spjallað saman um verkefnið sitt. Síðan var kvöldið tekið með rólegheitum og farið snemma að sofa.

Á þriðjudeginum og allt til föstudagsins var frekar venjulegir dagar hjá okkur, skóli og slíkt. Gústi ákvað að hann væri orðinn nógu hress til að fara í skólann og það var síðan ekkert smá sem hann var þar því hann fór rétt fyrir klukkan átta á morgnanna og kom heim svona að verða hálf átta til átta á kvöldin, sem sagt mikið að gera hjá honum greyinu.

Síðan á laugardeginum þá vöknuðum við snemma og Gústi fór í skólann til að hitta strákanna og læra en Berglind fór með vinkonunum sínum þeim Önnu, Maju og Ríkey í svokallaða ævintýraferð. Þær nefnilega tóku sig til og leigðu bílaleigubíl, reyndar algjört hræ enda heitir bílaleigan ,,rent-a-wreck” eða ef við þýðum það svona gróflega þá þýðir það einfaldlega ,,Leigðu hræ”. Þetta var gömul Ford fiesta síðan sennilega 1988-9 eða svo en málið var að þetta var mjög ódýr bíll sem passaði við peningarveskið hjá ferðalöngunum. Alla vegna þá fóru stöllurna fyrst á einhvern efnismarkað sem var tæplega 40 km hér fyrir utan Álaborg til að kaupa ýmis saumaefni. Málið er að það er víst alltaf svona markaður tvisvar á ári, tvo daga í senn, svo kallaður kjallaramarkaður því þar eru seld saumaefni á nánast ekki neitt, það er að segja að meterinn af efni er á svona ca. 120 til 240 kr ísl. í staðinn fyrir tæplega 1000 kr ísl. En alla vegna var svo voða gaman hjá stelpunum og var greinilegt að Berglind hefði komist í smá vænan bita og vildu vinkonur hennar meina að hún hafi algjörlega misst sig en hún keypti efni fyrir ca. 1500 ísl. kr. en það voru líka heilir 13 metrar af efni í ýmislegt. En jæja síðan héldu stelpurnar áfram og drifu sig í Ikea í Árósum (Aarhus) sem er ca. 115 km frá Álaborg og má með sanni segja að þetta hafi verið hrein stelpnaferð þar sem þær dvöldu þar í 4 og hálfan tíma í búðinni og sennilega skoðuðu svo til allt í þessari risa stóru verslun sem er sennilega og ef ekki meira en helmingi stærri en sú sem er í Holtagörðunum í Reykjavík. Síðan eftir að þær keyptum eitthvað handhægt til heimilshaldsins var haldið heim á leið en einmitt á þeim tíma þá var Gústi greyið kominn með svo mikinn hausverk í skólanum að hann dreif sig heim og stuttu seinna kom Berglind heim. Við vorum síðan um kvöldið boðin í mat til Maju og Eyfa en þar sem Gústi greyið var frekar slappur ákvað hann að vera heima en Berglind kíkti í smá stund en kom síðan heim frekar snemma.

Á sunnudeginum var frekar rólegt hjá okkur við lærðum og höfðum síðan bara huggulegt hjá okkur restina af deginum, en Gústi greyið var ennþá eitthvað smá slappur greyið.

Á mánudeginum og til miðvikudags var frekar venjulegir dagar hjá Gústa, hann fór í skólann og lærði en Berglind sem var þá komin í svokallað ,,páskafrí” var bara heima og lærði undir próf. Hún er nefnilega að fara í próf í þekkingarfærði og með einhverri áherslu á heimspeki og slíkt, sem henni finnst ekkert svakalega spennandi, rétt eftir páska. En á seinni part miðvikudagins fór Gústi til Kristjáns vinar síns og hittust þeir fjórir íslensku gæjarnir sem komu hérna út saman, þeir Gústi, Kristján, Palli og Siggi, til að grilla saman og hafa það smá huggulegt en málið er að Siggi er nefnilega búinn í skólanum (hann ákvað að klára einungis tæknifræðina á meðan hinir þrír eru að klára verkfærðina) og fluttur heim en hann var bara hérna í heimsókn(eða þar er að segja að hann er farinn heim að vinna en konan hans er hérna ennþá úti með börnin til að þau klári skólaárið hérna). Það var alveg voðalega gaman hjá þeim en stóð þetta teiti hjá þeim samt ekki langt fram eftir þar sem Gústi var síðastur til að yfirgefa staðinn um hálf eitt leytið. En á meðan á veisluhöldunum stóð var Berglind heima og tók sig til að gera páskahreingerninguna, svo nú er allt voða fínt hjá okkur á páskunum ;)

Í gær, skírdag, vöknuðum við og röltum niður í skóla til Gústa til að sækja einhverjar bækur svo að hann gæti lært meira hérna heima um páskana. Síðan komum við heim og höfðum það huggulegt, settum hryllingsmynd í tækið og Gústi fékk sér osta og kex með. Síðan var eitthvað lítilega vesenast í lærdómnum en síðan var kominn kvöldmatur og vorum við með svona kjúlklinganagga, franskar kartöflur og barbequsósu, voða gott og svo til óhollt. Berglind varð á orði um þá spurningum til hvers að fara á McDonalds eða aðra skyndibitakeðjur til að kaupa svona mat dýrum dómi þegar maður getur gert sjálfur svona heima í ofninum alveg jafn gott fyrir miklu minni pening. Síðan rétt áður en Berglind fór til Önnu til að hitta stelpurnar hringdi síminn og þá voru það Dýrleif og Hildur buðu henni að koma með á línuskauta en hún var víst búin að lofa sér til hinna stelpnanna svo það var ekkert úr því en í sömu andrá var frændi hennar sem er í Wales og tvær systur hennar, önnur í Reykjavík og hin á Akureyri, að reyna að spjalla við hana á netinu þannig að hún komst frekar seint af stað til Önnu og co. En það var voða gaman þar sem Maja kom með boðskortin í brúðkaupið þeirra Eyfa og var að klára að föndra þau og vorum við stelpurnar að hjálpa henni. Berglind kom svo heim voða sæl með eitt slíkt þar sem við erum sem sagt formlega boðin í brúðkaupið þeirra Maju og Eyfa heima á Íslandi þann 3. júlí í Lágafellskirkju í Mosfellsbæ. Sem er reyndar smá merkilegur brúðkaupsdagur í þessari kirkju fyrir Berglindi því Bjarndís systir hennar (í móðurætt) giftist einmitt þennan dag í þessari kirkju 1998 ;) En Gústi var bara heima í gærkveldi og ákvað að hafa það huggulegt fyrir framan sjónvarpið og slappa bara vel af, enda varð raunin sú því nánast um leið og Berglind fór út úr dyrunum lokuðust augnlokin hans fyrir framan sjónvarpið og svaf hann sem sagt bara allt kvöldið.

Í dag vöknuðum við svona ágætlega snemma og drifum við, þó aðalega Gústi, að laga til í herberginu okkar. Málið var að Berglind skildi það að mestum hluta, ekki alveg samt, eftir svo að Gústi fengi líka að taka smá til og það gekk bara svona ljómandi vel. Enda er hann eitthvað að bardúsa núna við að taka nýju tölvuna okkar og skipta á henni og gömlu tölvunni okkar; þ.e.a.s. hann er að taka nýju tölvuna niður í skóla og koma með gömlu heim því hann vinnur miklu meira niður í skóla og það er betra að skipta. Ekkert mál fyrir Berglindi því hún fær svo til að vera alveg með fartölvuna á sínum vegum sem er hið besta mál fyrir okkur bæði. En þar sem ekki er meira liðið á daginn er varla hægt að skrifa mikið um áframhald nema hvað Kristján kom hérna rétt áðan til að keyra Gústa niður í skóla og hjálpa honum að skipta á tövlunum og Berglind situr hér en að skrifa þennan pistill sem hún verður nú að fara að hætta að gera og snúa sér að bóknum því það þýðir ekkert að fara ekki nógu vel lesin í próf og því verður lærdómurinn að halda áfram núna.

Okkar allra bestu páskakveðjur með knúsum og kossum til ykkar allra frá okkur hér í Áló,
Berglind og Gústi.

2004-04-09T13:01:00.000+02:00

Hæhæ allir saman og gleðilega páska!!!

Jæja til að byrja með verður Berglind að játa það að hún greinilega á mjög erfitt með að reyna að halda sig við regluna að skrifa hér einu sinni í viku til að halda ,,sunnudagsreglunni” okkar og biðst hún velvirðingar á því og lofar að hafa ekki fleiri fullyrðingar með þann dugnað þótt það sé ósk okkar beggja að við getum haldið okkur við að skrifa eitthvað hérna í hverri viku en málið er bara að dagarnir eru svo fljótir að líða því það er alltaf svo mikið að gera.

En jæja... ef við byrjum á mánudeginum þar síðasta þá var það frekar venjulegur dagur hjá Berglindi, farið snemma á fætur og farið í skólann, nú hjólandi og er hún orðin voða dugleg og hjólar rúma 6 km í skólann og heim að lokum skóladegi aðra 6 km þar sem mánaðarkortið hennar í stærtó er útrunnið og er ekki áætlunin hjá henni að kaupa nýtt, frekar að halda sig við hollustuna í hlýnandi veðráttu hér í danaveldinu. En hvað varðar Gústa greyið þá var hann eitthvað slappur líkt og hann byrjaði að finna fyrir á laugardeginum, og reyndar var hann hálf svona eitthvað undarlegur á sunnudeginum líka, þá var hann heima og hvíldi sig til hádegis eða svo. Hann byrjaði síðan að læra hérna heima, ekki alveg nógu hress, í hádeginu og fram eftir, meira að segja kom Kristján í heimsókn til að þeir félagar gætu nú eitthvað spjallað saman um verkefnið sitt. Síðan var kvöldið tekið með rólegheitum og farið snemma að sofa.

Á þriðjudeginum og allt til föstudagsins var frekar venjulegir dagar hjá okkur, skóli og slíkt. Gústi ákvað að hann væri orðinn nógu hress til að fara í skólann og það var síðan ekkert smá sem hann var þar því hann fór rétt fyrir klukkan átta á morgnanna og kom heim svona að verða hálf átta til átta á kvöldin, sem sagt mikið að gera hjá honum greyinu.

Síðan á laugardeginum þá vöknuðum við snemma og Gústi fór í skólann til að hitta strákanna og læra en Berglind fór með vinkonunum sínum þeim Önnu, Maju og Ríkey í svokallaða ævintýraferð. Þær nefnilega tóku sig til og leigðu bílaleigubíl, reyndar algjört hræ enda heitir bílaleigan ,,rent-a-wreck” eða ef við þýðum það svona gróflega þá þýðir það einfaldlega ,,Leigðu hræ”. Þetta var gömul Ford fiesta síðan sennilega 1988-9 eða svo en málið var að þetta var mjög ódýr bíll sem passaði við peningarveskið hjá ferðalöngunum. Alla vegna þá fóru stöllurna fyrst á einhvern efnismarkað sem var tæplega 40 km hér fyrir utan Álaborg til að kaupa ýmis saumaefni. Málið er að það er víst alltaf svona markaður tvisvar á ári, tvo daga í senn, svo kallaður kjallaramarkaður því þar eru seld saumaefni á nánast ekki neitt, það er að segja að meterinn af efni er á svona ca. 120 til 240 kr ísl. í staðinn fyrir tæplega 1000 kr ísl. En alla vegna var svo voða gaman hjá stelpunum og var greinilegt að Berglind hefði komist í smá vænan bita og vildu vinkonur hennar meina að hún hafi algjörlega misst sig en hún keypti efni fyrir ca. 1500 ísl. kr. en það voru líka heilir 13 metrar af efni í ýmislegt. En jæja síðan héldu stelpurnar áfram og drifu sig í Ikea í Árósum (Aarhus) sem er ca. 115 km frá Álaborg og má með sanni segja að þetta hafi verið hrein stelpnaferð þar sem þær dvöldu þar í 4 og hálfan tíma í búðinni og sennilega skoðuðu svo til allt í þessari risa stóru verslun sem er sennilega og ef ekki meira en helmingi stærri en sú sem er í Holtagörðunum í Reykjavík. Síðan eftir að þær keyptum eitthvað handhægt til heimilshaldsins var haldið heim á leið en einmitt á þeim tíma þá var Gústi greyið kominn með svo mikinn hausverk í skólanum að hann dreif sig heim og stuttu seinna kom Berglind heim. Við vorum síðan um kvöldið boðin í mat til Maju og Eyfa en þar sem Gústi greyið var frekar slappur ákvað hann að vera heima en Berglind kíkti í smá stund en kom síðan heim frekar snemma.

Á sunnudeginum var frekar rólegt hjá okkur við lærðum og höfðum síðan bara huggulegt hjá okkur restina af deginum, en Gústi greyið var ennþá eitthvað smá slappur greyið.

Á mánudeginum og til miðvikudags var frekar venjulegir dagar hjá Gústa, hann fór í skólann og lærði en Berglind sem var þá komin í svokallað ,,páskafrí” var bara heima og lærði undir próf. Hún er nefnilega að fara í próf í þekkingarfærði og með einhverri áherslu á heimspeki og slíkt, sem henni finnst ekkert svakalega spennandi, rétt eftir páska. En á seinni part miðvikudagins fór Gústi til Kristjáns vinar síns og hittust þeir fjórir íslensku gæjarnir sem komu hérna út saman, þeir Gústi, Kristján, Palli og Siggi, til að grilla saman og hafa það smá huggulegt en málið er að Siggi er nefnilega búinn í skólanum (hann ákvað að klára einungis tæknifræðina á meðan hinir þrír eru að klára verkfærðina) og fluttur heim en hann var bara hérna í heimsókn(eða þar er að segja að hann er farinn heim að vinna en konan hans er hérna ennþá úti með börnin til að þau klári skólaárið hérna). Það var alveg voðalega gaman hjá þeim en stóð þetta teiti hjá þeim samt ekki langt fram eftir þar sem Gústi var síðastur til að yfirgefa staðinn um hálf eitt leytið. En á meðan á veisluhöldunum stóð var Berglind heima og tók sig til að gera páskahreingerninguna, svo nú er allt voða fínt hjá okkur á páskunum 

Í gær, skírdag, vöknuðum við og röltum niður í skóla til Gústa til að sækja einhverjar bækur svo að hann gæti lært meira hérna heima um páskana. Síðan komum við heim og höfðum það huggulegt, settum hryllingsmynd í tækið og Gústi fékk sér osta og kex með. Síðan var eitthvað lítilega vesenast í lærdómnum en síðan var kominn kvöldmatur og vorum við með svona kjúlklinganagga, franskar kartöflur og barbequsósu, voða gott og svo til óhollt. Berglind varð á orði um þá spurningum til hvers að fara á McDonalds eða aðra skyndibitakeðjur til að kaupa svona mat dýrum dómi þegar maður getur gert sjálfur svona heima í ofninum alveg jafn gott fyrir miklu minni pening. Síðan rétt áður en Berglind fór til Önnu til að hitta stelpurnar hringdi síminn og þá voru það Dýrleif og Hildur buðu henni að koma með á línuskauta en hún var víst búin að lofa sér til hinna stelpnanna svo það var ekkert úr því en í sömu andrá var frændi hennar sem er í Wales og tvær systur hennar, önnur í Reykjavík og hin á Akureyri, að reyna að spjalla við hana á netinu þannig að hún komst frekar seint af stað til Önnu og co. En það var voða gaman þar sem Maja kom með boðskortin í brúðkaupið þeirra Eyfa og var að klára að föndra þau og vorum við stelpurnar að hjálpa henni. Berglind kom svo heim voða sæl með eitt slíkt þar sem við erum sem sagt formlega boðin í brúðkaupið þeirra Maju og Eyfa heima á Íslandi þann 3. júlí í Lágafellskirkju í Mosfellsbæ. Sem er reyndar smá merkilegur brúðkaupsdagur í þessari kirkju fyrir Berglindi því Bjarndís systir hennar (í móðurætt) giftist einmitt þennan dag í þessari kirkju 1998  En Gústi var bara heima í gærkveldi og ákvað að hafa það huggulegt fyrir framan sjónvarpið og slappa bara vel af, enda varð raunin sú því nánast um leið og Berglind fór út úr dyrunum lokuðust augnlokin hans fyrir framan sjónvarpið og svaf hann sem sagt bara allt kvöldið.

Í dag vöknuðum við svona ágætlega snemma og drifum við, þó aðalega Gústi, að laga til í herberginu okkar. Málið var að Berglind skildi það að mestum hluta, ekki alveg samt, eftir svo að Gústi fengi líka að taka smá til og það gekk bara svona ljómandi vel. Enda er hann eitthvað að bardúsa núna við að taka nýju tölvuna okkar og skipta á henni og gömlu tölvunni okkar; þ.e.a.s. hann er að taka nýju tölvuna niður í skóla og koma með gömlu heim því hann vinnur miklu meira niður í skóla og það er betra að skipta. Ekkert mál fyrir Berglindi því hún fær svo til að vera alveg með fartölvuna á sínum vegum sem er hið besta mál fyrir okkur bæði. En þar sem ekki er meira liðið á daginn er varla hægt að skrifa mikið um áframhald nema hvað Kristján kom hérna rétt áðan til að keyra Gústa niður í skóla og hjálpa honum að skipta á tövlunum og Berglind situr hér en að skrifa þennan pistill sem hún verður nú að fara að hætta að gera og snúa sér að bóknum því það þýðir ekkert að fara ekki nógu vel lesin í próf og því verður lærdómurinn að halda áfram núna.

Okkar allra bestu páskakveðjur með knúsum og kossum til ykkar allra frá okkur hér í Áló,
Berglind og Gústi.

2004-03-28T19:41:00.000+02:00

Hæhæ allir saman...

Jæja loksins kemst ritarinn okkar að tölvunni til að skrifa fréttir af okkur. Við vitum vel að það er annsi langt síðan að við skrifuðum eitthvað hérna, um tvær og hálf vika, og biðjumst við velvirðingar á því, sérstaklega til ykkar sem eruð okkar tryggu áhugamenn um lífsganginn okkar hérna í Álaborg. Málið er þannig í pottinn búið að það er búið að vera frekar mikið að gera hjá Berglindi og eins og við höfum nefnt hér áður þá er Gústi ekkert mjög mikið fyrir að slá inn hérna nokkur orð... en alla vegna málið var að vinkona hennar Berglindar, hún Sigga, var í heimsókn hérna í Álaborg, hjá systur sinni henni Dýrleif, og þar sem þær Berglind og Sigga eru gamlar góðar vinkonur, síðan úr menntó, eyddi hún tímanum sínum fyrir utan skóla með henni meðal annars með að kíkja á kaffihús og búðir borgarinnar en einnig var það líka að hann Hjölli var að flytja heim aftur til Íslands í dag til að fara að vinna en Anna kærastan hans verðu hérna áfram til að klára námið og fer síðan heim eftir það. Þannig að við höfum líka eytt tímanum með þeim frekar en að setjast niður og skrifa eitthvað. En líkt og við nefndum hér áðan þá þykir okkur það miður fyrir ykkur hin en við vonumst núna að komast núna aftur á ,,gömlu góðu” sunnudagsregluna okkar.

Jæja ef við byrjum að að fara í gengum þar síðustu viku, frá því að við skrifuðum síðast, og þá helgi var bara sami vaninn eins og alltaf frá miðvikudegi til föstudags. Skóli og slíkt en annars á föstudagskvöldinu þá áttum við að fara í smá teiti hjá Hjölla og Önnu en því var frestað fram á laugardagskvöld þannig að Gústi ákvað að fara á föstudagsbarinn niður í skóla með stákunum en Berglind var heima því hún var eitthvað hálf slöpp, þrátt fyrir að hafa fengið heimboð í heita eplapé hjá Dýrleif. En það var voða gaman hjá Gústa og kom hann því ekki heim fyrr en líða fór á næturlag.

Á laugardeginum var bara svona afslöppunar dagur fyrir utan það að Berglind mætti snemma morguns í vinnuna og var búin um tvöleytið. Síðar um kvöldið var okkur boðið í teitið, en það var í svokallað stráka- og stelpupartý því stelpurnar áttu að vera á einum stað og strákarnir á öðrum stað, en þar sem Gústi greyið var ekki alveg hinn hressasti var hann heima, að horfa á sjónvarpið, á meðan Berglind fór og hitti stelpurnar sem var alveg voðalega gaman. Stelpurnar fóru nefnilega saman í gufu sem er á stúdentagarðinum hjá Maju og Eyfa með vatn, kók og fanta í flöskum. Eftir gufuna fóru þær síðan heim til Maju og Eyfa þar sem strákarnir voru en þeir fóru þegar stelpurnar komum yfir og heim til Hjölla og Önnu (málið var að þeir voru að passa börnin á meðan stelpurnar voru í gufu) en stelpur fengu heitt eplapaé og vaniluís hjá Maju. Þetta var alveg æði og reyndar var líka borðað smá nammi þar sem maður getur sagt að íbúðin hjá þeim hafi flætt í nammi. Málið var að tvíburasystir hennar Maju, hún Halla, maðurinn hennar og mákona Höllu voru í heimsókn frá klakanum og voru í hrikalega miklum nammi stuði í útlandinu.

Sunnudagurinn var síðan bara líkt og venjulega, farið á fætur snemma morguns og byrjað að læra. Reyndar var Berglind eitthvað að vesenast þar sem henni langar svo að setja eitthvað annað efni á svefnsófann okkar hérna inn í stofu. Málið er að hún er eitthvað orðin pínku lítið þreytt á gráa litnum sem er á sófanum, henni langar nefnilega í ljósan sófa. En það varð ekkert úr því frekar enn venjulega þegar hún hefur fengið þessa hugmynd, það kannski ræddist seinna.
Eftir helgina var aftur skóladæmið en í byrjun þessarar viku kom vinkona hennar Berglindar til Álaborgar eftir að hafa verið í smá tíma í Kaupmannahöfn áður en hún kom hingað. Þannig að á mánudagskvöldinu eftir kvöldmat fór Berglind á kaffihús, með systrunum Siggu og Dýrleif, en þar sem Gústi er ekki mikill kaffihúsamenningaráhugamaður þá ákvað hann frekar að vera heima og horfa frekar á sjónvarpið.

Vikan var svipuð eins og venjulega hvað varðar skóladæmið en það kannski það undarlegasta við hana var að Berglind kom vanalega aldrei heim fyrr en eftir að Gústi var kominn heim, en vaninn er sá að hún er nánast alltaf komin heim á undan honum, og var það svona smá skrýtið fyrir okkur bæði. En líkt og var nefnt hér í byrjun þá fór Berglind eftir skóla að hitta vinkonu/vinkonur sína/sínar til að kíkja á kaffihús og búðir. Hún endaði með að kaupa í eitt skiptið risa stóran spegil til að hengja upp fyrir ofan sófan og var það bara hið besta mál. Enda vantaði eitthvað á hvíta tóma vegginn fyrir ofan sófann, þótt svo að hann hafi ekki verið hengdur upp strax sama dag og hún keypti hann. En kaupinn á speglinum voru frekar spaugileg. Málið var að Berglind, Sigga og Dýrleif fóru í stóru verslunarmiðstöðina í suður hluta Álaborgar og ákváðu Berglind og Dýrleif að kaup sitthvorn spegillinn eftir að hafa skoðað þá tveimur dögum áður. Stórir flottir speglar á 400 danskar kr. eða rétt tæplega 4.800 ísl.kr. og eru það mjög góð kaup þar sem við báðar höfum séð svona spegla á ca. 25-30.000 ísl.kr. og hefur Berglind reyndar dreymt um að eignast svona spegill alveg rosalega lengi og búin að leyta að góðu tilboði í ca. hálft ár. En alla vegna málið var þannig að við komum ekki nema öðrum speglinum í bílinn hjá Dýrleif og það þýddi að það yrði að skilja alla farþega eftir. En málið bjargaðist á þann hátt að við hringdum í aðra vinkonu okkar sem kom keyrandi frá austur hlutanum til suður hluta borgarinnar til að sækja speglanna. Þetta var hálf gert ævintýr en okkur Dýrleif grundar nú svolítið að Sigga hafi skammast sín smá fyrir okkur klaufa bárðanna. En allt er gott sem endar vel.

Á fimmtudagskvöldinu komu systurnar í mat til okkar í hin fræga Þýskalandspottrétt, málið er að við kaupum ákveðna pottréttarsósu í Þýskalandi því hún færst ekki hér í Danmörku sem er því ver og miður því hún er svo góð. Ekki að þetta sé eitthvað sér þýskt fyrirbæri þetta er bara Onkel Berns sósa sem heitir Kanton sósa og er í tveimur hlutum, svona með grænmeti og sósur og færst meira segja heima á Íslandi. En Gústi keypti alveg helling af birgðum af þessari sósu þegar hann fór til Amsterdam með strákunum í byrjun janúar. Síðan eftir matinn fór Dýrleif að læra, Berglind og Sigga skutluð Gústa til Hjölla og Önnu þar sem hann var að fara að gera eitthvað við tölvuna þeirra á meðan þær stöllur kíktu á kaffihús.

Föstudagurinn var síðan bara eins og hinir dagarnir í vikunni nema um kvöldið komu Hjölli og Anna til okkar í afganga af Þýskalandspottréttinum og voru þau svo voða sæt að færa okkur rauðvín, kex og osta þegar þau komu. En eftir matinn komu síðan Ríkey, Haukur og Maja (Eyfi var heima með Vigdísi litlu) og endaði kvöldið alveg í svaka partýi sem var alveg ótrúlegt þar sem það var dansað rosalega mikið í litlu íbúðinni okkar og allir skemmtu sér hið besta.

Á laugardagsmorguninn ætlaði Berglind að fá að sofa út en það varð ekkert úr því af því að Gústi vaknaði fyrir allar aldri og fékk hana með sér út í kuldann og niður í bæ. Við fórum og keyptum rakvél til að klippa Gústa með og inniskó fyrir hann í skólann. Síðan kíktum við í matarbúð og keyptum okkur rúnstykki, grænmeti og annað álegg sem við fórum síðan með heim og bjuggum til æðislega góðan og hollan hádegismat. Síðan var bara afslöppunar dagur nema hvað Berglind fór í patrý hjá Dýrleifu og Siggu en Gústi ákvað að vera heima því hann var að fara að læra daginn eftir. En það var voða stuð hjá Berglindi og fór hún í bæinn með stelpunnum sem hún hefur ekki gert síðan að við bæði fórum sennilega síðast niður í bæ þegar systur hennar Berglindar voru í heimsókn, þær Birgitta og Ragna, sem var í nóvember minnir okkur. Berglind hélt síðan heim á leið með stelpunum í leigubíl eftir stutta en skemmtilega viðveru í bænum, þótt svo að Sigga hafi eitthvað verið ósátt við frammistöðu hinna stelpnanna með viðveru í bænum þar sem henni fannst þær vilja vera allt of stutt, en svona er bara lífið.

Á sunnudeginum fór Gústi í skólann klukkan átta um morguninn til að hitta strákanna í hópnum sínum til að halda áfram með skólaverkefni þeirra en Berglind var eitthvað hálf slöpp eftir skemmtunina kvöldinu áður þannig að dagurinn var frekar rólegur hjá henni. Síðan endaði sunnudagurinn með rólegu huggulegu kvöldi hjá okkur fyrir framan sjónvarpið.

Á mánudeginum var lífið eins og venjulega skóli og slíkt en um kvöldið tókum við okkur til og hengdum loksins spegillinn upp fyrir ofan sófann, og vá hvað hann er flottur og hvað hann stækkaði litlu stofuna okkar mikið. Við verðum að setja mynd af honum hérna inn á síðuna hjá okkur. En það tók smá útreikninga og slíkt að hengja hann upp en það tókst mjög vel. Við pössuðum okkur vel á því að skrúfa ekki í gengum rammann á speglinum þegar við settum krækjurnar aftan á hann líkt og Dýrleif greyið lent í með sinn. Hún skrúfaði nefnilega í gegnum rammann á tveimur stöðum en það sérst ekkert neitt rosalega, það verður lagað hjá henni með smá málingu.

Þriðjudagurinn var líka svipaður nema hvað eftir skóla hitti Berglind Siggu vinkonu sína til að kveðja hana því hún fór til Kaupmannahafnar daginn eftir og flaug heim til Íslands á fimmtudaginn.

Á miðviku- og fimmtudaginn eftir skóla fór Berglind að kaupa inn og gera hreint fyrir matarboðið á fimmtudagskvöldinu. Við ákváðum nefnilega að bjóða Hjölla og Önnu í góðan mat (ekki bara afganga) svona í síðasta skiptið sem Hjölli væri löggiltur íbúi Álaborgar. Þegar Gústi kom heim á fimmtudeginum fór hann strax að þrífa baðherbergið og klárði hann að skúra það sem Berglind var ekki búin með en hún fór þá í að undirbúa matinn. Síðan komu Hjölli og Anna til okkar og við borðuðum voða góðan mat og svo vorum við með osta og kex í eftir rétt. En þar sem það var skóli daginn eftir fóru þau um hálf ellefuleytið.

Á föstudaginn eftir skóla fórum við heim til Hjölla og Önnu í svokallað kveðjuteiti þar sem vinahópurinn var saman kominn og var sá háttur hafður á að allir komu með sitt eigið kjöt en Hjölli og Anna sáu fyrir kartöflum, salati og sósu. Við nefnilega grilluðum saman og það var alveg æðislega gott og líka gaman. Til að byrja með var snakk í forrétt, síðan var borðað grillmatinn en í eftirrétt voru síðan grillaðir banannar með súkkulaði, alveg rosalega gott. Síðan var spjalla og haft gaman af, við reyndar sátum síðan heil langa stund fyrir framan tölvuna hjá skötuhjúunum og vorum að skoða fullt af myndum síðan úr patrýinu heima hjá okkur, föstudeginum áður, og höfðum við gaman af. Síðan þegar líða fór á miðnætti röltu Gústi og Hjölli með Berglindi í stærtó því hún vildi fara snemma heim enda átti hún að vinna daginn eftir. Gústi var síðan lengur og fór meðal annars í billjard með frænda sínum og var bara mjög fínt. Síðan hélt Gústi heim á leið og var kominn heim þremur tímum eftir Berglindi.

Á laugardaginn (í gær) fór Berglind í vinnuna en þar sem það var ekki neitt rosalega mikið að gera kom hún fyrr heim. Við áttum að þrífa sameiginlega húsið (þar sem meðal annars þvottavélarnar eru staðsettar) þessa vikuna og ákváðum við að gera það í gær (það er sem sagt oftast gert á laugardögum) en þar sem Gústi var að verða eitthvað veikur tók Berglind sig til og kláraði dæmið sem var ekki lengi gert enda í fullum þrifgír eftir að hafa verið að þrífa herbergin á Scandic hótelinu. Síðan var hent í þvottavél og kvöldmaturinn eldaður frekar snemma. Reyndar fékk Berglind undarlegt og smá skemmtileg símtal þar sem nýji eigandinn af Foldaskálanum (þar sem hún hefur verið að vinna 2 sl. sumur) hringdi í hana og spurði hvort hún gæti unnið um kvöldið og varð hann hálf undarlegur þegar Berglind sagði honum hvar í heiminum hún væri staðsett og talaði hann eitthvað um að hafa ruglast á línum á símanúmerum en spurði síðan hvort hún væri ekki bara til í að taka næsta flug heim til að taka kvöldvaktina og hló. Berglind áttaði sig ekki á því að nota tækifærði og spyrjast fyrir um sumarvinnu en það gæti kannski orðið auðveldara að spyrjast fyrir um það eftir þetta símtal. Það er að segja ef hún fær ekkert annað því henni langar gjarnan að fá einhvern annan vinnutíma en hún hefur unnið sl. sumur. En kvöldið var síðan bara rólegt hjá okkur í gær þar sem við sváfum mest megnis fyrir framan sjónvarpið fyrir utan það þegar við fórum inn á baðherbergi og Berglind notaði nýju fínu græjuna sem við keyptum vikunni áður til að láta hárið á Gústa falla þannig að nú er hann voða sætur og fínn, ný klipptur og nefndi Berglind það eitthvað að það væri eins og hún væri búin að fá nýjan kærasta því hann breytist alltaf svo mikið þegar hárið er rakað allt af.

Í dag (sunnudag) vöknuðum við hálf rugluð á því hvað klukkan væri því henni var breytt í nótt eins og við vissum en það vafðist eitthvað fyrir okkur hvort hún hefði færst fram eða aftur því að það var eitthvað svo ruglandi frétt í sjónvarpinu í gær um þetta. Málið var að það var sagt að ef maður gleymdi að breyta klukkunni sinni þá myndi maður mæta einum klukkutíma of snemma á staðinn heldur en ella, sem er rangt þar sem klukkan færðist fram og nú er orðið tveggja tíma munur á milli Danmerkur og Íslands. Sem sagt ef maður hefði farið eftir fréttinni þá hefði maður mætt tveimur tímum of seint ekki einum tíma of snemma. En síðan eftir einhverja vangaveltu um þetta fór Berglind hjólandi út í búð til að kaupa rúnstykki þar sem allt brauðið okkar er víst frosið. En síðan eftir það fór Gústi að læra og Berglind að klára þennan pistil en áður en að því varð (að klára pistilinn) kom Dýrleif til okkar og Gústi fór að hjálpa henni með skottið á bílnum hennar þar sem hún gat ekki opnað það eftir að það var reynt að brjótast inn í skottið hjá henni um jólin þegar bíllinn var í pössun hjá okkur. En það gekk bara vel en þar sem hún var ekki með nýja læsingu þá setti Gústi bara band í skottið svona að innan verðu sem hægt er að opna skottið með, þar sem takkinn er brotinn sem opnar það að innan, til að bjarga málunum áður en hún fer og kaupir nýja læsingu. Hún er nefnilega að fá gesti sem hún verður að sækja. Eftir það fórum við á smá rúnt með henni og hún fór og keypti ís handa okkur sem við fórum heim með til að borða en síðan fór hún heim og við erum nú að fara að huga að kvöldmatnum og sennilega best að segja...
Jæja ætlum við látum þetta ekki duga í bili við biðjum alveg rosalega vel að heilsa ykkur og já... því miður eins og sást á tímaþröng með skriftirnar á pistlinum þá hefur myndadæmið okkar ekki komist í lag. Við vonum innilega að við höfum tíma til þess í þessari nýju viku til að bjarga málnum.

Milljón, trilljón, billjón kossar og knúsar frá okkur hérna í Álaborg til ykkar allra,
Berglind og Gústi.

2004-03-10T13:17:00.000+01:00

Hæhæ allir!!!

Jæja þá loksins komumst við í stellingar til að skrifa eitthvað, þrátt fyrir að við vitum að þetta er ekki sett út á netið fyrr en í dag (miðvikudagsmorgun en ekki á þriðjudagskvöld eins og við lofuðum, en við vonum að enginn sé sár yfir þessu). Sem sagt með öðrum orðum þá hefur Berglind loksins tíma til að slá eitthvað inn þar sem prófið í lög-, félags- og aðferðarfræðinni (eins og átti víst að þýða þetta en ekki eins og var gert í pistli hér að neðan) er yfirstaðið og gekk bara alveg ágætlega. Hún er alveg viss um að hafa náð þessu prófi þótt hún kannski fái ekki alveg 13 eins og danskur mælikvarði er.

En annars líkt og þið hafið getað lesið hjá okkur hefur síðastliðin ein og hálf vika verið mikið skóladæmi, enda eflaust ekki furða þar sem við erum jú bæði að barsla við háskólanám hérna í danaveldinu, og kannski ekki mikið fréttnæmt en samt jú alltaf eitthvað.

Byrjunin á síðustu viku var reyndar eins og undan farið bara farið í skólann og lært, fyrir utan það að Berglind varð opinberlega algjör gleraugnaglámur þar sem hún fékk gleraugun á mánudeginum, og gat þá loksins skilið hvað stóð í bókunum. En á þriðjudagskvöldið komu Hjölli (frændi hans Gústa) og Anna til okkar þar sem þau voru að vandræðast með einn hlut af nýju tölvunni þeirra sem þau höfðu pantað í gengnum netið með aðstoð Gústa. Þau voru reyndar ekki lengi en tóku eftir því hvað væri í ofninum hjá okkur og byrjaði þá umræðan um afmælið hans Gústa. Málið var að Berglind var að baka marens í afmælistertu handa Gústa og hafði hún boðið þeim í skötuhjúum í afmæliskaffi kvöldið eftir, án nokkrar vitundar Gústa, en víst umræðan komst í gang með afmælið komst Gústi sem sagt að því að Berglind hafði, á laugardeginum áður, talað við Önnu um þetta en á meðan hafði Gústi nefnilega talað um það sama við Hjölla. Sem sagt strákarnir voru búnir að tala saman og stelpurnar voru búnar að tala saman en hvorugur hópurinn vissi að það væri búið að tala nokkuð um þetta mál. Kannski flókið að skilja en þetta var alveg rosalega fyndið og skemmtileg tilviljun. Málið var hjá Berglindi að henni langaði til bjóða nokkrum í lítið en óvænt afmæliskaffi en... það varð þannig lagað ekkert úr þessu óvænta dæmi.

Síðan á miðvikudagsmorgunin, á afmælisdaginn hans Gústa, þá var vaknað eldsnemma til að mæta í skólann en þar sem vaninn er að Berglind er farin fram á morgnanna þegar Gústi vaknar þá í þetta skipti vaknaði hann við að það lá pakki í rúminu hjá sér. Honum alveg greinilega til mikillar undrunar og því hann kallaði hann á Berglindi og spurði hvað þetta væri þar sem hann hefði haldið að það hefði verið samkomulag um að hann fengi ekki pakka. En Berglind sem sagt stóð ekki alveg við það þar sem hún vissi að þetta væri eitthvað sem honum langaði í enda var Gústi líka mjög ánægður með innihaldið. Þetta var svona ferðageislaspilari sem getur spilað M3 (fyrir þá sem skilja þetta tækniorð, en annars er þetta eitthvað með að það er hægt að safna eitthvað meira af tónlist á þetta form en annað) sem var reyndar á tilboði einmitt þessa viku og því frekar ódýr og því einmitt svo tilvalið. Málið var líka að Gústi greyið var orðinn frekar þreyttur á að hlusta alltaf á danskt útvarp í litla útvarpinu sem hann gekk alltaf með á leið í og úr skólanum og hafði hann nokkrum sinnum minnst á það málefni. En sem sagt núna gengur hann hinn ánægðasti í og úr skólanum með nýja tækið sitt.
En um kvöldið á afmælisdaginn brutum við upp hefiðna á lærdómnum og Berglind eldaði svaka gott í matinn og Gústi fékk að slappa vel af með hvítvínsglas (bara eitt enda skóli daginn eftir) og tærnar upp í loft og horfa á sjónvarpið á meðan. Síðan komu Hjölli og Anna í kaffi eftir matinn og komu líka með pakka handa Gústa. Þau gáfu honum þessa fínu, hlýju húfu sem er það sem var kallað í gamla daga 5pensari (og t.d. Ómar Ragnarsson, pabbi og Biggi frændi(móðurbróðir) Berglindar hafa oft verið með). En Gústi ætlar samt sennilega bara að nota hana við sérstök tækifæri þannig að hún bíður þess að verða notuð núna upp á nýlegu, fínu forstofuhillunni okkar.
En með kaffið sjálft þá voru á boðstólnum tvær rjómatertur og belgdum við okkur út af þeim og síðan var spilað Trival spurningarspilið en ekki mjög lengi þar sem það var víst venjulegur skóladagur daginn eftir. En þetta var samt alveg rosalega gaman, lítið en skemmtilegt afmæli, þrátt fyrir að Berglind hefði nefnt það við Gústa hvort hann vildi ekki bjóða bara aðeins fleirum í afmælið, en það varð ekkert úr því enda ekki beint mikill tími fyrir gestahald svo við vonum að enginn hafi móðgast við að vera ekki boðinn. Reyndar talaði Gústi svo lítið um þetta að strákarnir sem eru með honum í hópverkefninu í skólanum vissu ekki einu sinni að hann ætti afmæli og það eru strákar sem hann umgengst mjög mikið. Berglind hafði líka boðist til að baka köku svo að hann gæti tekið með sér í skólann en hann vildi það ekki svo það varð ekkert úr því.

Restina af vikunni eyddi Berglind fyrir utan skólatíma að lesa undir próf en á föstudaginn ákvað Gústi að kíkja á föstudagsbarinn niður í skóla með strákunum og var það voða fjör. Það er nefnilega hefð hérna í Danmörku að í kaffiteríum skólanna, á framhalds- og háskólastigi, er breytt í bari á föstudögum til að fólk geti fengið sér nokkra bjóra eftir erfiði vikunnar í skólanum, svona smá hjálp til að fá nemendur til að slappa af og getur maður kannski séð út frá þessu hvernig bjórmenning dana hefur orðið svo mikli sem hún er í dag. En alla vegna eftir barferðina fór Gústi og strákarnir heim til Flemmings og var haldið áfram að skemmta sér þar. En þegar kom að því að kíkja í bæinn ákvað Gústi frekar að halda heim á leið en reyndar stoppaði á leiðinni og kíkti í eitt partí sem var búið að bjóða honum í sem lá alveg í leiðinni. Þar stoppaði hann aðeins og röllti síðan heim enda frekar þreyttur þar sem nóttin var skollin á.

Á laugardeginum fór Berglind eldsnemma fram til að lesa en nokkrum stundum síðar vaknaði Gústi og var varla búinn að opna augun þegar hann ákvað að drífa sig niður í bæ. Hann var svo sætur að fara að kaupa eina bók fyrir Berglindi til að lesa meira í og líka til að kaupa þríhöfðað sjónvarpstengi og smá samlokur. Ferðin niður í miðbæ var nánast vel heppnuð nema hvað bókin sem Gústi ætlaði að kaup fyrir Berglindi (alfræðiorðabók í félagsfræði) var ekki til, þrátt fyrir að hafa rölt í 4 bókabúðir, en hinir hlutirnir voru að sjálfsögðu til. Síðan kom Gústi heim og við steiktum kartöflur og á meðan hringdi síminn og spjölluðum við bæði aðeins við Þórönnu, fósturmömmu Berglindar. Hún var að segja okkur farirnar ekki alveg sléttar með leigendurna í íbúðinni hennar Berglindar. Málið var að stelpan sem var fyrir áramót flutti út um áramótin, bara eins og um var samið þegar hún flutti inn, og komu nýjir leigendur (ungt par) inn í íbúðina í janúar sem allt bara gekk fínt í nokkra daga en síðan nokkrum dögum eftir að þau þinglýsu leigusamningnum hringdu þau í Þórönnu og pabba hennar Berglindar til þess að segja þeim að þau væru hætt saman og skiluðu þau íbúðinni rúmri viku eða svo eftir að hafa flutt inn. Við þetta fór Þóranna greyið að halda að það væru einhver álög á íbúðinni þar sem það hefur gengið frekar illa að leigja hana út, þ.e.a.s. þið sem vitið með gaurinn sem tók hana á leigu, flutti út, leigði vini sínum hana fyrir sígarettur og fór engan veginn eftir samningnum vitið hvað við meinum hérna með þetta slæma gengi á leigunni. En allt er gott sem endar vel (7-9-13!!!!!!) það fluttu sem sagt nýir leigjendur inn í íbúðina í byrjun febrúar, ungt par, frá Siglufirði og vitum við nokkur deili á þeim enda bjó pabbi hennar Berglindar og fjölskylda í rúm 20 ár þar. Málið leit kannski ekki rosalega vel út í fyrstu þar sem þau komu og fengu íbúðina leigða en voru ekki komin með vinnu á Akureyri, en þau voru að flytja þanngað vegna atvinnu ástandsins á Sigló. En ekkert mál þau eru bæði komin í vinnu og allt gengur vel, enda miða við kynni eru þau mjög samviskusöm. Reyndar sagði Þóranna að hún hefði verið frekar ströng við þau varðandi reglur, s.b. bara hvað hafði gengið á í fortíðinni með íbúðina, en Berglind bað hana nú að vera ekki svo stranga að þau myndu flýja út úr íbúðini vegna boðanna og banna.
Síðan það sem eftir lifði af laugardeginum fór Gústi að vesenast og tengja tölvuna enn frekar við sjónvarpsdæmið hjá okkur og nú er það svo í pottinn búið að það er bæði hægt að sjá tölvuna í sjónvarpinu og sjónvarpið í tölvunni hjá okkur. Þetta er voða sniðugt þar sem við getum horft á myndir sem við eigum í tölvunni frammi í stofu en getum líka horft á sjónvarpið inn í herbergi og líka ef við viljum ekki horfa á það sama getur annað okkar setið í stofunni og horft á sjónvarpið á meðan hitt getur setið inn í herbergi og horft á aðra stöð á sama tíma í sjónvarpinu. Þannig að við getum verið sammála um að Gústi er snillingur!!! En kannski eitt frekar fyndið í þessu samhengi er að það fylgdi fjarstýring með nýju tölvunni þannig að það er alveg hægt að hafa það jafn huggulegt og skipta um stöðvar liggjandi fyrir framan tölvuna eins og sjónvarpið.

Á sunnudeginum vöknuðum við bæði fyrir allar aldir og byrjuðum að læra. Síðan þegar leið á daginn var Gústi farinn að undrast eitthvað með þennan lærdóm hjá Berglindi þar sem hún skellti upp úr alltaf annað slagið og spurði hann hana hvort hún ætti nú ekki alveg örugglega að vera að læra en kom það í ljós að hún var að skemmta sér svona rosalega vel við próflesturinn. Málið var að hún var að lesa dönsku stjórnaskránna, sem heitir Grundloven á dönsku, og það er ýmislegt að finna þar sem maður getur skemmt sér yfir (og eflaust er hægt að finna svipað í íslensku stjórnarskránni). Dæmi um slíkt er að þar eru lög sem voru í gildi þegar kóngurinn var einvaldur hér í Danmörku um að maður varð að biðja ríkisvaldið um leyfi til að fara í máli við ríkið. Sem sagt að maður varð að fá leyfi hjá konunginum til að fara í mál við hann sjálfan. En til fróðleiks þá eru þessi lög enn í gildi en ríkisvaldið er skipt núna í þrá hluti svipað og heima í dóms-, löggjafar- og konungsvald (forsetavald heima) og þarf maður víst bara leyfi frá einum þessa aðila til að fara í mál við eitthvað af hinum valdhöfunum.
En svona getur lærdómur stundum verið skemmtilegur, Berglind fór reyndar að velta því fyrir sér hvort hún hefði nú bara ekki átt að skella sér í lögfræðina í staðin fyrir rekstrarhagfræðina þar sem maður getur hlegið að ýmsum lögum en slíkt gerir maður nú vanalega ekki yfir línuritum, en það verður nú eflaust ekkert úr því (hún vil ekki segja aldrei því maður á aldrei að segja aldrei þótt það séu engar líkur á því).

Mánudagurinn byrjaði eins og alla aðra virka daga en seinni partinn kom Gústi heim og Kristján með í smá kaffi/te og tók Berglind sér pássu í smá tíma og var mest talað um lögin og ýmis tengt málefni. Berglind fór að tala um einhverja upplausnar formúlu sem á að nota í mannmergð í vissum tilfellum og var hún að taka dæmi um hana. Sem kannski var ekki frásögu færandi nema hversu tilviljanna kennt það var að þessi lög/formúla kom einmitt á prófinu daginn eftir (sem sagt í gær).

Á þriðjudeginum (í gær) flutti Berglind tímabundið niður í skóla til að taka prófið sitt. En málið er að ef maður kemur með eigin tölvu (sem er hið besta mál þar sem við erum með orðabók inn í tölvunni) þá verður maður að koma með eiginn prentar og síðan var hún með nánast heilt bókasafn með sér, 12 bækur ásamt risa stóri möppu með sirka þúsund blaðsíðum af glósum. En eins og var sagt í upphafi hér gekk prófið bara mjög vel hjá henni en þeir sem voru með henni í stofu og höfðu gengið vel í síðasta prófi voru alveg hrikaleg hræddir um að hafa ekki náð þessu prófi. En alla vegna þegar hún kom heim var hún algjörlega búin og lagðist upp í sófa, enda var prófið sjálft í 5 tíma fyrir utan uppsetningartíma á tölvubúnaðinum og allt það. Hún var reyndar búin að lofa að elda um kvöldið sem er aldrei þessu vant frásögu færandi til að byrja með var það greinilegt að hún var ekki alveg eins og hún er venjulega. Enda spurði Gústi hana hvort hún væri nokkuð full, málið var að Berglind var bara algjörlega búin á orku en hún vildi halda loforðinu sínu og við það tókst henni að gera nokkuð sem henni hefur aldrei tekist áður. Hún brenndi pottréttinn, brenndi hrínsgrjónin (vatnið gufaði bara allt upp, bara svona allt í einu...) og svo missti hún brauðið sem hún var búin að baka í ofinum á gólfið. Sem sagt frábær kvöldmatur... en við gerðum það besta úr því og borðuðum það sem hægt var að borða af þessu en í kvöld skal vera eitthvað betra í matinn ;)

Jæja ætlum förum ekki að láta þetta ekki duga í bili og já Sóley (mamma Gústa) við lofum að fara að setja fleiri myndir inn í vikunni eða alla vega í síðasta lagi um helgina en hvað varðar spurninguna þína um að Gústi fari að slá inn þá... finnst honum svo gott að hafa einkaritara...

Eitt annað svona í lokin þá viljum við þakka rosalega vel fyrir allar kveðjurnar í gestabókinni og verðum við að segja það alveg satt að það kom okkur alveg rosalega skemmtilega óvart ein kveðja þar, frá ömmu og afa (móður tengt Gústa enda eini afinn okkar þar). Takk æðislega!!! Sem og allir hinir takk fyrir!!! Og já þið ykkar sem hafið látið okkur vita um slæmt gengi við skriftar í gestabókina þá tökum við viljan fyrir verkið, takk!!! Alltaf gaman að vita hverjir hafa áhuga á lífi og tilveru okkar 

Milljón, trilljón, billjón knúsar og kossar frá okkur í Áló.
Berglind og Gústi.

2004-03-07T09:07:00.000+01:00

Hæhæ allir!!!

Vegna anna og lærdóms, fyrir kristinlegan tíma á sunnudegi, þá ætlum við að fresta því að segja ykkur fréttir af liðinni viku hjá okkur fram til á þriðjudagskvöldið.

Bestu kveðjur til ykkar allra frá okkur hérna í Álaborg,
fullt af knúsum og kossum, Berglind og Gústi.

2004-02-29T17:26:00.000+01:00

Hæhæ öll sömul!!!

Í þetta skiptið verður pistillinn okkar ekki rosalega langur, enda kannski ekki mikið að frétta af okkur, er aðal ástæðan vegna mikilla anna.

En alla vegna svona til að segja ykkur hvernig vikan hefur verið þá hefur verið mikið um lærdóm og varla mikið annað að gerast hjá okkur nema hvað við höfum svona reynt að hafa einhvern smá tíma saman á kvöldin rétt til að borða og horfa á sjónvarpið á meðan sú athöfn hefur staðið yfir og kannski pínulítið lengur í sum skiptin. Venjan hefur verið að Gústi leggur af stað í skólann svona 20 mín. í átta og kemur ekki heim fyrr en um hálf sjöleytið á kvöldin en Berglind er með frekar undarlega stundartöflu svo það er ýmisst hvort hún fari 20 mín. yfir sjö eða seinna í skólann en hún kemur alltaf fyrr heim, en Gústi, en þá tekur bara við að lesa bækurnar enda er hún að fara í skriflegt próf eftir rétt rúma viku (9. mars) í félags-, samfélags-og lögfræði.

En á föstudaginn var dagurinn aðeins öðru vísi en aðrir dagar í vikunni því eftir skóla fór Berglind aðeins á rúntinn með vinkonu sinni til að fá sér smá ís og kaupa inn á meðan Gústi fór með vinum sínum á svona stend-up (grínistaskemmtun) í stóru kaffiteríunni í skólanum og var það voðalega gaman. Seinna um kvöldið fórum við svo til Hjölla (frænda hans Gústa) og Önnu í mat þar sem hópur vina var saman kominn, reyndar átti þetta matarboð ekki að vera fyrr en á laugardagskvöldinu en vegna anna hjá okkur fengum við því eiginlega breytt í föstudagskvöld. Það var bara voða gaman og frábær, en súpan sem var í matinn minnti Berglindi eitthvað svolítið á súpuna sem Ragna (föðuramma hans Gústa) bjó til fyrir ættarmóts-/ fjölskyldumótsdaginn í sumar, sem sagt rosalega góð.

Á laugardaginn (í gær) fór Berglind í vinnuna á meðan Gústi hvíldi sig aðeins eftir netta skemmtun kvöldinu áður. Töluðum við um að kíkja í búð þegar Berglind væri búin að vinna til að skoða meðal annars inniskó á Gústa en það varð víst ekkert úr því þar sem við höfðum það eigilega bara kósý/huggulegt seinni partinn í gær og fórum svo snemma að sofa vegna þess að í dag var vaknað fyrir átta til að hefja lærdóm og já vel minnst á það... það er víst orðið tímabært að hætta þessum skrifum hér og halda áfram að læra.

Fullt af knúsum og kossum frá okkur í Danmörku til ykkar allra,
Berglind og Gústi.

P.s. Gústi var eitthvað að kíkja yfir gestabókin okkar og komst að því að það væri eiginlega miklu fleiri sem tengdust Berglindi væru búnir að skrifa í hana þannig að Berglind langar að hvetja ykkur til að vera duglegri að skrifa í hana enda t.d. mjög gott tækifæri að skrifa eitthvað í hana á miðvikudaginn næstkomandi (3. mars) þegar Gústi verður 25 ára.

2004-02-22T12:50:00.000+01:00

Góðan daginn allir saman, nær og fær!!!

Eitthvað hefur borið á því að sumt fólk hefur verið eitthvað að kvarta um að pislarnir sem við skrifum hérna séu of langir og það taki nánast hálfan daginn að lesa þá, en það er einmitt málið... við skrifum bara hérna svona sirka einu sinni í viku þannig að fólk getur notað alla vikuna til þess að lesa hvern pistil, ef það vill ekki lesa allt á einum degi.

En jæja til að segja ykkur svona eitthvað frá síðustu viku þá byrjaði sunnudagurinn á því að við vöknuðum snemma og skelltum okkur í að þrífa íbúðina alveg hátt og lágt, skúruðum, skrúbbuðum og næstum bónuðum. Það var borið á alla skápa og eldhúsborðið og stólanna með tekkolíu svo íbúðin var vel lyktandi á meðan við létum gegnum trekkinn leika lausum hala í íbúðinni svo það væri hægt að anda hérna inni, allt alveg æðislega fínt, kannski of fínt því tvær vinkonur okkar komu í heimsókn og vildu endilega fara bara með okkur á kaffihús, gæti verið að þær þoli ekki olíu lyktina eða eitthvað..., en alla vegna þá fór Berglind með þeim (eftir að hafa notað pásuna sína á milli þrifa og heimsókna til að setja síðasta pistil inn, en hann var víst löngu tilbúinn) en Gústi ákvað frekar að rölta heim til Sigga og Steinu (vina okkar, Siggi er einn af strákunum sem Gústi kom út með frá Tækniskólanum) til að fá lánaða borvélina þeirra þar sem borvélin okkar, þessi fína og flotta sem við keyptum á 1500 ísl kr. á tilboði, dugar víst ekki alveg á veggina hérna á stúdendagarðinum. Síðan um kvöldið settum við upp litla spegilinn okkar í forstofunna.

Á mánudeginum eftir skóla fórum við niður í Silvan (nokkurskonar Byko) og keyptum svona hillu með slá og snögum og skógrindur í stíl, voða fínt og mjög ódýrt. Síðan var skrúfað, borað og neglt um kvöldið og herleg heitin sett upp og allt orðið bara mjög fínt hjá okkur. Það var nefnilega stórt vandamál hvað við ættum að gera við forstofuna þar sem hún er bara svona einn ,,langur” og mjór gangur og því ekki hægt að hafa mikið í henni og ekki hægt að innrétta hana hvernig sem er.

Síðan leið vikan bara venjulega fyrir sig, við bæði í skólanum, í fyrirlestrum og verkefna vinnu. Reyndar á fimmtudagskvöldið fengum við gesti sem var bara rosalega gaman við sátum frekar lengi frameftir, en það var allt í lagi þar sem það var ekki venjulegur skóladagur hjá Gústa á föstudeginum og Berglind var bara í fyrirlestri milli klukkan 10-12. Það var eitthvað einstaklega gaman að fá þessa gesti þar sem þau hrósuðu okkur svo fyrir hvað íbúðin okkar væri alveg rosalega kósý/hugguleg þrátt fyrir að vera svona lítil, sem var einmitt takmarkið hjá okkur að reyna að gera hana því við fluttum jú úr næstum því helmingi stærri íbúð yfir í þessa hérna á stúdentagarðinum.

Hvað varðar föstudaginn þá er nú smá fréttnæmt af honum að segja. Málið var að Berglind mætti í skólann, sem er niður í bæ (fyrstu árs nemarnir fá nefnilega ekki að vera á samastað og hinir upp á háskólasvæðinu þar sem við búum í námunda við), og síðan þegar hún var búin kom Gústi niður í bæ og var ákveðið að fara út að borða í hádeginu á Pizza Hut, en við höfðum sennilega ekki farið út að borða síðan í sumar þegar við fórum á Bautann á Akureyri eftir ættarmótið hjá Berglindi sem var á Raufarhöfn, að undanskildu þegar við fórum einu sinni á McDonalds daginn sem við fluttum því við höfðum ekki orku, pláss né tíma til að reyna að elda einhvern mat, og það var bara mjög fínt. Síðan röltum við í gleraugnabúð þar sem Berglindi vantaði lestrargleraugu, að hún hélt, þar sem hún pírir augun alltaf svo mikið í fyrirlestrum og þegar hún er að horfa á sjónvarpið. Fórum við og skoðuðum umgjörðir og svona og var Berglind búin að velja sér eina sem var frekar ódýr en bara ágætlega fín fyrir lestrargleraugu áður en hún fór inn hjá sjóntæknifræðingnum til að mæla sjónina til að ákveða hversu sterk gleraugun þyrftu að vera. En málið er hérna í Danmörku að maður getur bara rölt inn í næstu gleraugnarbúð og fengið þá til að mæla sjónina í stað þess að fara fyrst til augnlæknis eins og er heima (alla vegna var þannig í gamla daga ef það hefur eitthvað breyst). En ef maður ætlar að fara til augnlæknis hérna þá þarf maður víst að bíða í sirka 6 mánuði eftir tíma svo þetta kerfi henntar bara mjög fínt. En alla vegna það var ekki frá sögu færandi en að Gústi beið frammi á meðan Berglind fór í þessi sjónpróf sem tóku víst einhvern smá tíma en síðan kom Berglind fram í smá sjokki yfir því sem hún fékk að vita. Málið er að sjónin mældist víst verri en henni hefði grunað þar sem hún fékk að vita að hún þyrfti ekki bara á lestrargleraugum að halda heldur yrði hún að fá gleraugu til að ganga með og sjónskekkjan sem hún mældist með þegar hún var lítil var komin aftur, hún hefði víst ekki eldst af henni eins og augnlæknirinn hennar heima hélt að væri að gerast þegar hún fór til augnlæknis sennilega fyrir sirka 9 árum síðan. Þannig að á ný hófst leit að gleraugnar umgjörðum þar sem þau sem hún var búin að velja sér voru ekki þess eðlis að hún vildi ganga með þau alltaf. En það tókst á ekki svo löngum tíma að velja umgjörðina og nú bíðum við eftir að gleraugun hennar verið tilbúin sem tekur um 10-14 daga og Berglind gerist sem sagt gleraugnargámur eins og við erum búin að vera að grínast svolítið með.
Við fórum síðan bara heim og höfum haft helgina frekar bara huggulega, fórum reyndar í gær (laugardag) út í stóran langan göngutúr og í dag er bara verið að læra á fullu. Gústi er að byrja skriftirnar á hópverkefninu sínu sem fjallar um að hanna stell af gervihnetti sem á síðan að setja upp í geim, í alvörunni, og er þetta mjög spennandi verkefni. Ef þið hafið áhuga að kíkja á þetta þá er heimasíðan af þessu stelli: www.aausatii.auc.dk/public en síðan er Berglind bara að fara að halda áfram að lesa sálfærði og lögfræði, en hún er að fara í skriflegt próf í því núna eftir rétt rúmar 2 vikur svo það er að verða smá stress hjá henni og vildi hún reyndar vera búin að fá gleraugun sín núna en svona er víst lífið... allt tekur sinn tíma.

Jæja ætli við látum þetta ekki duga í bili.
Bestu kveðjur, knúsar og kossar frá okkur í Áló.

2004-02-15T13:27:00.000+01:00

Góðan daginn allir saman!!!

Fyrir ykkur sem eruð að velta því fyrir ykkur hvers vegna við höfum ekki skrifað neitt síðan þar síðasta fimmtudag þá er hugmyndin okkar sennilega að skrifa bara svona einu sinni í viku hérna um lífsganginn okkar hérna í Álaborg, en undartekningar verða sennilega á þeirri reglu ef fiðringurinn verður svo mikill í puttunum að fá að slá meira á lyklaborðið, um hvað við erum að athafnast, þá að sjálfsögðu verður látið undan þeim þrýstingi eða jafnvel þver öfugt, ef mikið er um annir í skólanum og slíkt getur komið hér einhver undan tekning á viku reglunni sem við ætlum að reyna að stefna á.

En svona áður en við förum lengra þá viljum við líka minna á gestabókina okkar hérna til hægri sem var sett upp daginn eftir að síðan var ,,opinberuð" þar sem okkur þótti það voða spennandi að sjá hverjir myndu heimsækja okkur hér og ástæðan fyrir því hversu fljótt hún var sett upp var það að forvitnin var fyrir hendi og var það aðalega Berglind sem beið eftir tölvupósti frá þeim aðilum sem fengu tilkynninguna frá okkur um ,,opnunina” á síðunni. Við fengum þau viðbrögð frá einum aðila og má segja að það hafi komið Berglindi sérstaklega á óvart hver það var sem sendi okkur tölvupóst um þakkir fyrir tilkynninguna, það var nefnilega enginn annar en frændi hennar í Bandaríkjunum hann Ragna og fjölsk. (móðirbróðir Berglindar) sem skiluðu kveðju og því hófst vinnslan strax að gestabókinni. En Berglind vill endileg koma hér á framfæri þakkir til frænda og co. og við sendum okkar bestu kveðjur til ykkar í Californiu, en að sjálfsögðu þökkum við líka fyrir allar hinar kveðjurnar sem eru skrifaðar í gestabókina okkar og Unnur (frænka Gústa) góða skemmtun með markmiðið þitt!!! Komumst við líka að því að nokkrar systurnar hennar Berglindar þær Bjarndís, Linda og Guðný eru líka með heimasíður sem við höfðum ekki hugmynd um. Takk stelpur en það hefði verið allt í lagi að láta mann vita af þessu fyrr;)
En þeir sem eru glöggir og sjá fína flotta bílinn okkar hér til hliðar, undir vefsíðuslóðarupplýsingunum, þá er þetta teljari en þar sem hann er aðeins settur upp í dag þá eru tölurnar á honum ekki alveg réttar þar sem vantar jú heimsóknir á síðuna okkar þessa einu og hálfu viku sem hún er búin að vera á vefnum en hvað með það... Þetta er komið upp núna og það verður gaman að sjá hvað teljarinn sýnir ;)

En ef við snúum okkur að öðrum sálmum þá var þorrablótið hérna um síðast liðna helgina (7. febrúar) eins og við minntumst á hér í pislinum fyrir neðan og var það alveg frábært. Þó svo að Berglind hafi nú eitthvað minnst á það við Gústa af hverju hann borðaði ekki meira en svo til með að narta bara í matinn sinn, ástæðan var einfaldlega sú að hann var víst bara ekki svangur. En hvað um það þá byrjaði þetta allt saman hérna heima hjá okkur þar sem nokkrir vinir okkar komu til okkar til að hefja gleðina, það voru þau Hjölli (frændi Gústa), Anna kærastan hans, María, Ríkey og Haukur, og var það voða gaman þar sem strákarnir voru að ræða ýmis málefni á meðan stelpurnar unnu í því hörðum höndum að gera sig tipptop fyrir blótið. Síðan rölti hópurinn heiman frá okkur og á leið til Kristjáns, vinar okkar, og þaðan átti að rölta í Trekantinn þar sem blótið var haldið en ákváð stelpnahópurinn að halda áfram þegar hópurinn var nokkuð nærri heimili Kristjáns og þar fór Berglind með leiðsögnina um hvert skyldi halda, en tók hún það fram að hún vissi svona sirka alveg hvar þetta væri. En á ný skiptist hópurinn í kynjahópa og héldu stelpurnar áfram til að koma fyrr á staðinn til að fá almennileg sæti fyrir allan hópinn og strákarnir gengu heim til Kristjáns. Það er síðan ekki frásögu færandi heldur en að stelpurnar gengu samkvæmt leiðsögn Berglindar og var hún alltaf að tala um einhver ljós og var því gengið í átt að næstu umferðarljósum en rétt áður en stelpurnar komu að þeim ljósum stoppaði Berglind til að klóra sér aðeins í kollinum þar sem gatnamótin framundan voru allt of stór til að vera réttu ljósin sem henni minnti að staðurinninn væri í námunda við. Hófst þá leit að farsíma í veskum stelpnanna til að hringja í strákanna sem svöruðu galvaskir í anddyri Trekantsins og kom það sem sagt í ljós að stöllurnar hefðu gengið of langt. Sem sagt Trekanturinn er víst á milli tveggja umferðaljósa en ekki við önnur þeirra eins og Berglindi minnti. Síðar rölti hópurinn tilbaka þar sem Gústi og Kristján komu röltandi á móti þeim á meðan Hjölli og Haukur fóru inn til að finna sæti. Þegar þessir gönguhópar hittust kváðu hinar stelpurnar um að Berglind fengi sko ekki að vera leiðsögumaður aftur en hún var fljót að snúa þessu ævintýri upp í jákvæða skoðun (ekki það að einhver hefði orðið fúll, þetta var allt í góðum gír) að allar stelpurnar hefðu nú bara einfaldlega ákveðið að rölta aðeins til þess að brenna nokkrum vínkaloríum af fyrir matinn. Þegar inn var komið var fljótlega borðhald með alveg frábærum mat og skemmti atriðið og ball á eftir. Allt voða gaman nema hvað vinir okkar fóru heim aðeins fyrr en við skötuhjúin en var það vegna þess að Hjölli (frændi Gústa) lenti óvart í því að vera á röngum stað á röngum tíma því það var einhver gaur sem var eitthvað heitt í hamsi og sló hnefanum framan í Hjölla en sem betur fer kom hann varla við hann en við þetta kom upp einhver misskilingur og var haldið að Hjölli ætti eitthvað hlut í máli sem var síður en svo. Við vitum ekkert hver þetta er nema að þetta er einhver gaur frá Hirtshals en ekki Álaborg og við þekkjum ekkert til hans og var Hjölli ekki búinn að yrða á þennan aðila, sem sagt eins og var sagt hérna rétt áðan bara óheppinn, rangur maður, á röngum stað, á röngum tíma. En með misskilningnum átti að henda Hjölla út af ballinu en var síðan sá misskilningur leiðréttur og allt var í lagi nema hvað að sjálfsögðu sárnaði Hjölla þetta og ákvað að halda bara heim á leið og drifu þá vinir okkar, sem við komum með, sér einnig bara á sömu braut en við vorum áfram þar sem einnig var hópur af fleiri vinum og kunningjum okkar á staðnum, ýmisst þeir sem höfðu verið í matnum eða komið bara á ballið, og var þetta bara mjög fínt. En það vakti undrun þegar Gústi mætti allt í einu að borðinu hjá Berglindi og vinunum þar sem hann var með trommukjuða í hendinni og klóruðu sér margir í hausnum yfir því hvernig hann hefði fengið þennan kjuða en málið er að trommuleikarinn í hljómsveitinni, Sixties, er kunningi Gústa eða þ.e.a.s. nágungi sem Gústi kannast við frá gömlu góðu tímunum þegar þeir voru að skemmta sér á Venus við Borgarnes og þar afleiðandi á því Gústi minnjagrip af góðri skemmtun, það er að segja ef við lítum framhjá því sem Hjölli greyið lenti í.

Síðan var vikunni eytt í skólann og lærdóm og því kannski ekki mikið að frétta annars nema jú hvað Berglind tók sig til 2-3 kvöld í vikunni og saumaði nýjar stofu- og baðgardínur en málið var að það voru bara einfaldar hvítar gardínur hjá okkur sem maður sá frekar vel í gengum og var það því alltaf stefnan eftir að við fluttum hingað á stúdentagarðinn, örfáum dögum fyrir jól, að redda þessum málum. Fór Berglind því í að sauma gardínur reyndar bara úr tvöföldu léreftir sem við bæði erum bara mjög ánægð með, þær eru svona ljós drappaðar og henntar okkur mjög vel þótt svo að það séu einhverjar skoðanna skipti um fegurleika efnisins þar sem sumum finnst það vera allt of hlutlaust á meðan aðrir elska þær. Kannski er bara málið með okkur að við erum svona hlutlaus sjálf eða eitthvað. Hvað sem öðrum finnst um málið erum við bara hin ánægðustu með það. Kannski við kíkjum á að setja myndir af þeim þegar myndasíðan okkar er komin á flug svo þið getið fengið sjálf að mynda ykkar eigin skoðun á stílnum okkar. En talandi um myndasíðuna þá er málið ekki alveg svo einfalt þar sem við erum búin að vera að vinna í henni en vandamálið sem við komumst að var að allar myndirnar sem við eigum eru allt of stórar og erum við að skoða möguleikanna á að finna lausn og tíma til að leysa þetta vandamál.

Kannski svona til að segja ykkur frá brúðarsaumaklúbbnum sem sum ykkar hafa heyrt um að Berglind hafi verið að byrja í þá er málið það að Maja og Eyvi vinir okkar eru að fara að gifta sig í sumar og er Anna klæðskeranemi og systir Eyva (og líka kærasta Hjölla frænda Gústa) að fara að sauma brúðarkjólinn á mákonu sína og hefur Berglind fegnið að koma með puttanna í þau málefni og eru þær ásamt Ríkey að stefna að því að hittast einu sinni í viku til að hjálpa til og aðstoða Önnu eftir bestu getu til að gera þennan glæsilega brúðarkjól sem var byrjað á sl. föstudagskvöld.

Jæja ætli við látum þetta ekki vera nóg í bili héðan frá Álaborg og sendum við ykkur okkar bestu kveðjur og kossa, og ekki gleyma gestabókinni!

2004-02-05T19:58:00.000+01:00

Hæhæ allir saman!!!

Jæja þá er loksins komið í ganga að setja upp svona ,,upplýsinga” vef um okkur hjúin hér í Álaborg og er það gert vegna fjölda ,,skamma” um að við séum ekki nógu dugleg að senda tölvupóst hist og her (ekki að þetta sé skot á einn eða neinn bara sparkið í rassinn sem við sennilega þurftum til að koma einhverju af stað). Vefurinn er eins og þið eflaust sjáið enn í vinnslu en við áætlum að setja hérna inn alla vegna myndasíðu og gestabók, sem fyrst en þurfum víst aðeins smá hjálp með það, og kannski eitthvað annað sniðugt en svo langt erum við ekki enn komin með hugmyndina af þessari síðu.

En alla vegna til að segja ykkur eitthvað þá erum við nýbúin að ljúka prófannardæminu og gekk það mjög vel hjá Gústa, hann náði öllu enda mikill snillingur þar á ferð, en Berglind hefur ekki enn fengið út úr stóra skriflega prófinu sínu, sem hún er frekar svartsýn á að hafa gengið vel með, en með vörnina á verkefninu þá fór hún vel þrátt fyrir alla hrapa sögurnar í kringum það (t.d. var einn í hópnum sem missti pabba sinn, nokkuð um veikindi og þar á meðal hjá Berglindi sem fékk vott af lungabólgu, kennarinn sem stýrði verkefninu fór í veikindafrí mánuði fyrir skil og kom ekki nýr kennari inn fyrr en bara í vörninni svo verkefnið var ,,óstýrt” af fagmanni að mestum hluta o.fl. en þetta gekk allt vel).

Hvað varðar frí þá hefur ekkert bólað mikið á því þar sem Gústi fékk frí á milli anna frá miðvikudegi til sunnudags í sl. viku þar sem ný önn byrjaði núna á mánudaginn og fór hann í reisu til Hollands með tveimur vinum sínum úr verkfæðinni hérna, þeim Kristjáni og Palla, og fóru þeir í heimsókn til Guðmundar (móðurbróður Gústa) og fjölsk. og var það víst alveg rosalega gaman, nema hvað Gústi hefði sko verið til í meira frí og eyða aðeins fleiri dögum í útlandinu en þeir komu heim eftir að hafa gist í tvær nætur enda kominn tími til að undirbúa sig fyrir næstu önn. En með fríið hennar Berglindar var það ekki alveg eins gott þar sem verkefnaskilin af hópverkefninu var ekki fyrr en eftir áramót fór jólafríið og alveg til 13. janúar í að vinna í þeim málum, (en Gústi var svo heppinn að skila fyrir jól svo hann hafði eins smá jólafrí áður enn hann byrjaði að lesa undir prófin), en síðan var skriflega prófið hennar Berglindar viku seinna sem hún þurfti að lesa 5 bækur og eitthvað viðbótarefni fyrir prófið og þar af meirihlutann á norsku. Hún var greyið frekar stressuð fyrir þetta próf og hafi Gústi það á orði að hann hefði aldrei munað eftir að hafa þurft að lesa svona rosalega mikið fyrir próf, en þetta voru rétt tæpar 2000 síður og þetta var fyrsta skriflega prófið hennar á dönsku síðan frá öðru árinu í Versló svo þetta tók smá á. En nú vonum við bara það besta þótt svo að Berglind sé alveg viss á því að fá 5 (en maður þarf að fá 6 til að ná), en skólinn er ekki enn búinn að koma með niðurstöðuna þar sem hann getur leyft sér að bíða alveg til 27. febrúar með það sem hefur verið frekar erfitt að bíða eftir, en í reynd kannski skiljanlegt þar sem það voru 600 manns í þessu prófi. En eftir átökin við þetta skriflega próf var vörninn af verkefninu hennar síðan þann 30. janúar, sem sagt á föstudaginn sl., og þýddi það að Hollandsferðin datt út úr myndinni fyrir hana þar sem hún þurfti að vera heima og læra undir vörnina. Svo annar fríið hennar var frá seinni part á föstudeginum til sunnudagsins þar sem ný önn hjá henni byrjaði líka núna á mánudaginn (og reyndar var hún líka að vinna á laugardaginn svo þetta var ekki einu sinni mikið helgarfrí). Ekki að það sé verið að leita eftir einhverri vorkunn hérna, bara svona til að segja ykkur sannleikann hvering þetta hefur verið hérna hjá okkur, þetta er bara gangur lífsins og eitthvað sem við þurfum að ganga í gegnum/ sætta okkur við að svona er þetta kerfi sem við völdum að læra í.

Til að hafa einhverja ,,uppskeruhátíð” eftir prófin þar sem Berglind komst ekki með til Hollands ákváðum við að skella okkur á þorrablótið hérna sem verður haldið núna á laugardaginn og erum við ásamt alla vegna 8 vinum okkar að fara og það verður væntanlega svaka fjör enda ekta íslenskurmatur á borðum og er nú einhver spenna í gangi með það þar sem þar verður þessi hefðbundi þorramatur ásamt nokkrum öðrum tegundum, sem maður getur kallað ramm íslenskt, og er Berglind mest spennt yfir að fá harðfisk, hangikjöt, flatkökur og laufabrauð þar sem það vantaði víst í jólahaldið og var það kannski bara vegna gleymsku að hugsa út í þá hluti fyrir jólin.

En ef við förum aðeins yfir jóla- og áramótardæmið okkar þá vorum við bara tvö á jólunum og komumst við að því að allir vinir okkar fóru heim til Íslands fyrir utan eitt par sem fór til Noregs þannig að jólin voru frekar einmannaleg þar sem allt var eins og það átti að vera, rosa góður matur (3,4 kg önd og allt tilheyrandi á aðfangadagskvöld), fullt af pökkum og allt það, þá svona áttuðum við okkur á því að okkur vantaði fjölskylduna okkar. Reyndar var það inn í myndinni að kíkja kannski niður til Sønderborgar til systir hennar Berglindar, hennar Helgu og fjölsk., en þar sem Berglind var boðuð út í vinnu á jóladag (rétt fyrir jól) og lærdómsanna þá ákváðum við að vera bara heima. En til að gefa ykkur í hugalund hvað það er langt niður til Sønderborgar þá er það svona frá Borgarnesi til Akureyrar, rétt rúmlega 300 km (við búum alveg á norður Jótlandi en Helga og co. alveg á suður Jótlandi) og þar sem við erum ekki á bíl hefðum við þurft að taka lestina sem tekur 4½ tíma að komast á milli. En áramótin voru líflegri heldur en jólin þar sem við elduðum saman, reyndar grilluðum saman, með vinaparinu okkar sem var í Noregi um jólin, þeim Hildi (verkfæðinema) og Sigga, og var það alveg frábært nema hvað við töluðum um að okkur vantaði smá að geta kíkt á skaupið og fréttaannálinn. Reyndar höfðum við geta setið fyrir framan tölvuna til að horfa á það en vegna tímamismunar þá var skaupið akkúrat þegar við vorum að skjóta upp og fagna nýju ári og við komumst ekki að þessari tækni, þ.e.a.s. að það er búið að betrum bætt hana mun meira en var víst í fyrra, fyrr en að fréttaannállinn var hálfnaður svo því fór ekkert fyrir horf á þetta efni. En íslendingarfélagið hérna stóð fyrir brennu sem við kíktum á í smá stund og yljaði það okkur mikið að fá að upplifa svona ísl.-dæmi, þar sem danir eru alls ekki vanir að standa saman í einhverjum hóp og horfa á bál saman þegar hefðinn hjá mörgum þeirra er að sitja saman með fjölsk. og staupa og borða þorsk á gamlárskvöld. En eftir miðnætti fór að stíga í seinnihlutann hjá okkur þar sem Hildur keyrði okkur heim um hálftvöleytið, eftir svaka sýningu á flugeldadæmi hjá þeim hjúum þar sem Hildur komst í ham við að sprengja upp roslega miklu magni af flugeldum. En ástæðan fyrir því að við fórum svona snemma heim var vegna þess að Gústi, Palli og Kristján ætluðu að byrja að læra saman undir próf klukkan níu á nýjársdag (sem reyndar drógst til kl. 12). Þannig að þrátt fyrir svo tilgerð róleg áramót þá var þetta alveg rosalega fínt.

Jæja ætli við látum þetta ekki fara að verða nóg í bili en við bíðum enn eftir að Helga og fjölsk. komi í heimsókn til okkar en það hefur alltaf eitthvað komið uppá þegar þau hafa ákveðið að leggja í hann hingað til Áló, hvort sem það er mikil hálka á hraðbrautinni, próf eða eitthvað annað til að hindra það að þau komi. En við bíðum enn... og vonumst við eftir að þau geti alla vegna komið aðeins áður en þau flytja heim til Íslands í sumar. Reyndar voru þau að hringja í okkur um daginn og spyrjast fyrir um það hvernig páskarnir væru hjá okkur því þau eru að spá í að fara til Póllands og voru að spyrja hvort við vildum ekki koma með í innkaupaferð (þau eru sem sagt að fara að flytja heim í sumar og eru að kaupa í búið hjá sér og ætla að kíkja á ódýran kristal o.fl.), og okkur langar rosalega mikið til að fara með en við eigum eftir að sjá til hvering skóladæmið hjá okkur er og sjá til með hvað kostar að leigja bíl o.s.v., þetta kemur allt í ljós með tímanum.

Jæja bless í bili og knúsar og kossar til ykkar allra frá okkur í Áló.
Berglind og Gústi.